Wattenmeer 🥰😍

Hüt heissts am 5:10 Uhr ufstah zum eus ready z‘mache. Will am 5:50 Uhr müemer so lieslig wie möglich euse Platz verlah. Mir treffed eusi Privat-Guide am 6:20. Vom Priis her zahled mer nur 105 Euro für eus 4. Das isch ja mega günstig für e Privaour. So cool.

Nachdem mer eusi Neoprenschüeli ahzoge hend gahts los. Zerscht dur de Schlik. Das isch meeega streng aber scho guet den hemmer grad euses Training😅. Nachher chunt den de Sand. S’wasser isch alles scho meeega zrug gange und mer gsehnd wies richtigi Bächli git wo s’Wasser abflüsst. Mir gsehnd das Naturphänomen hutnöch. Au ganz vieli Tierli, wie Krebs oder Quallene oder Muschle derfed mer bestune. So fantastisch.
Am 9ii isch euse “Spaziergang” wo am Schluss glich recht streng worde isch, beendet. De Arco het schön brav im Auto gwartet.

Nachdem mer eus es bizeli vom Dreck (sind alli recht schlammig gsi😅) befreit hend fahred mer en Beck ah zum eus stärche. Nachdem mer no churz das härzige Städtli bestunt hend, fahred mer los zu de Fähre, wo eus nach Texel bringt. Nacheme flügende Wechsel (d’Valbi het nüme möge Autofahre😅), het Zoé ei Abzwiegig falsch gno und drum hemmer wege es paar wenige Sekunde eusi Fähre verpasst. Oke ja denhalt müemer 30min warte.

Nachdem mer e gueti Fährefahrt gha hend, simmer guet uf eusem Platz in Texel ahcho. Dasmal befindet mer eus Vis a Vie was au ganz oke isch☺️.

D’Valbi het nachdem strenge morge no was vor sich. Sie mues no 1h und 10min go Jogge. So lernet Valbi und Zoé grad s’Städtli kenne 😁.

Zum Znacht gits Fachitas. Sie sind meega fein gsi und hend super guet tah nachdem strenge Tag 😉 Hüt gits nüme viel Tamtam sondern relativ schnell es Pfüsi😋Read more