En geile Zmorge staht ah! Mir mached Pancakes😍 so fein! Alli schlönd richtig zue und gnüssets!
Nachem Zmorge staht en Spaziergang am Strand ah. Zoé und Leti lönd sichs nöd näh zum no de Lüchturm z’bsueche. Es isch recht iidrücklich. Nachdem de alti Lüchturm im Krieg beschosse worde isch. Hends eifach en neue Rundume baue😅. De Arco gnüsst de Strand und liebts mit de Leti echli z’spiele. Mir gnüssets, obwohl de Wind eus fast devo blast (han mal was ghört vo 90 h/km😅). Es isch also recht streng gsi eus dagege z’kämpfe.
Au s’Jogge vo de Valbi nimmt e neui Dimension ah mit dem starche Wind😅 Sie mues also richtig was Leiste i dene 40min🙈.
So jetzt wemmers also glich no Wüsse. Mir baued alli Wänd vo de Ili und de Leti ihrem Van uf zum eus es Windgschütztplätzli z’mache. Mir bruched eusi Ziit, jedoch mit YouTube Filmli bringet mer alles anne😉 Womenpower!!!
Supii jetzt stahts! Zoé fangt mal ah no Campingplätz z’sueche. Nachdem jetztige hemmer nüt meh buechet. Und es gestaltet sich no als meega schwierig. Alli sind volle (au en Grund isch, das mir ide nöchi vo Zaandvort wend und dette sind alli bsetzt wegem Formel 1 Renne). D’Leti isch super und lütet bi vielne ah. Sie machts grandios.
Jetzt wird no e Mailahfrag usse gschickt und uf morn abgwartet.
Jetzt heits Grilliere. Mir mached mega feins Fleisch mit Salat dezue. Es isch erstklassig!
Nachem Abwäsche (mir bruched jetzt immer die Huubespüelmaschiene😋, gaht meeeega schnell und muesch eifach nüt mache😅), wird no e rundi Spieli gspielt. Ili günnt! Gratuliere 🥴😂
Jetzt duschet Valbi und Zoé no schnell. Und zwar schnell will mer nur pro Person 6min Ziit het😅 aber es klappt. Das isch super!
Jetzt chömmer sicher alli sehr guet schlafe!Read more
August 23, 2024 in the Netherlands ⋅ 🌬 20 °C