Auf der Jagt nach Robben🥰

Am Morge wird wieder als erstes Jogged. Doch hüt “nur” 32min😅. Nachene wird Zmorge gesse. Leider het Zoé festgstellt, das s’Mail ah die falschi Adresse usse isch. Drum heits jetzt nomal wiiter sueche. D’Valbi findet en Top Platz und d’Leti git alles am Telefon (sogar uf Tränedrüese het sie druckt🙈). Jetzt hemmer eusi nöchsti Übernachtig. Eifach erst am 7ii derfed mer iitreffe aber das wird super!

So jetzt mached mer eus ready für Fahrt zu de Seehünd. Genau richtig glese den gester hend mir no e Suuhundschifffahrt bueched. Mir ziend eus warm ah, will es Regnet non Stop und fahred mit de Velos los.

De Arco derf au ufs Schiff. So cool! Bevor das es startet simmer alli scho Pflutschnass😅 Jedoch lohnt sich d’schiffsfahrt meeega😍 mir gsehnd so vieli Seehünd. Die sind so härzig und chömmed immer wieder go luege (sind sehr neuigierig). Mega tool! Es isch e fantstischi fahrt gsi❤️.

Sicher wieder an Land ahcho fahred mer wiiter is nöchst glegene Dörfli. De Arco im Ahhänger machts mitlerwiele super. Er jault nüme und findets us eusere Ahsicht au super weni nöd die ganzi Ziit mues Trabe 😁 Im Städtli isch Shoppe ahgseit😉 nach zwei volle Seck mached mer en churze abstecher zum was Häberle. Nachem Esse wird euse Chüelschrank no einmal ufgfühllt mitem wichtigste.

Nachdem fahred mer Zrugg. Mir hend richtig glück gha den nachdem mer da gsi sind fangts wieder voll ah regne. Drum heisst jetzt echli entspanne und dusche bis mer den de Znacht mached :). Es git es feins Chilli con Carne. Nachene wird nüme viel gmacht. Abwäsche und den go schlafe. Morn wird nämli wieder de Platz gwächslet 😁 mir sind gspanne und freued eus ufs neue Plätzli🥰Read more