Abfahrt richtig Amsterdam

Wie fast jede morge wird mitem Jogge gstartet 😉 Dasmal gits e Änderig, Zoé fahrt mit em E-Trotti mit, da d’Velos scho abfahr ready sind.
Den hüt gahts wieder wiiter. Mir hend grosses vor.

Nach 52min Jogge wird zmörgelet und ahschlüssend abfahrt ready gmacht. Am 11:15 hend mer uscheckt und fahred ines Hafedörfli wo sich au no uf Texel befindet.

Nacheme churze Rundgang durs Dörfli essed mer bimeme Fischlade zmittag. Jetzt chunt Leti entli mal zu ihrene Austere😂

Nacheme glungene Mittag gahts jetzt mit de Fähre retour wieder as Festland. Nöchste Stop heisst Zaanse Schaans. Mir freued eus!

Unglaublich sie hend eus eifach kein Parkplatz welle gäh. Will mir Camper sind. Aber es het so möse sie, will nachher hemmer gratis Parkplätz gfunde😋 Zaanse Schaans isch voller Touris. So viel Mensche. Aber vo dene hemmer eus nöd beiire lah und hend eus als erst grad en Holländische Pancake gönnt🥰. Ili die arm isch leider mitem Stuelbei in es Loch ine und het en spektakuläre Flug hiigleit. Sie het s’ganze Resti in Ufruef bracht😁. Nachem spektakuläre Flug gönd mir aber z’Fuess wiiter. Es gseht würkli ganz schön us mit dene vielene Mühle. Sie hend früener Gwürz, Mehl und no vieles meh dette gmacht. Hüt isch es nurno en Touriort.

So uf die 7ii derfed mir uf euse nöchsti Campingplatz. Dette ahcho müemer leider no 1h warte wil die vor eus immer nonig abgreist sind. I dere Stund wird de Plan für die nöchste Täg zemme gstellt und bereits de nöchsti Canpingplatz in Leiden buecht. So mir hend eus chöne iirichte und mached no en Mitternachtssnack 😉 Avocado/ Mangosalat. Jetzt isch Bettziit ahgseit. Morn gahts uf Amsterdam.Read more