Amsterdam 😀

Nachem Zmörgele hemmer de Olaf parat gmacht das mer mitem Auto uf Amsterdam inne chönd. Am Vorabig het Zoé bereits es Parkhuus gsuecht. Für 17 Euro de ganzi Tag. Das isch es Schnäpli! Wemmer suscht lueged chostet en ganze Tag 50 Euro. In Amsterdam selber sind mir erstmal richtig gschockt vo dem ganze Abfall wo umenand liet. Eso hend mir das alli no nie erlebt. Sie sind zwar dra gsi zum das wegruume aber es isch glich immer no erschreckend. Doch die chline härzig Gässli mit de Bruggene sind immer no de Wahnsinn! So härzig. Nachdem mer am Tag dur s’Rotliecht Millieu gloffe sind, mached mer e Kafiipause immeme sehr härzige Kafi. Planbesprechig😉 Leider derf de Arco i kei Museums, doch mer findet e Bootsfahrt wo er mit dörf. Jupii🥳💪🏼 Nacheme “churze” Sprint zum Auto zum de Valbi ihri Schlechtsiitablette z’hole hemmers den no rechtziitig uf de Start gschafft. Doch halt, mir bruched no chopfhörer. Da d’Valbi und Zoé so sympathischi sind, gits alli 4 chopfhörer zum priis vo 1 😋 was für es tolls gschäft.

Die Kanalfahrt isch de hammer gsi. Mir hend en super Kaptain gha wo eus vieli super Infos het chöne gäh zudem hemmer via Chopfhörer uf Dütsch spannendi Infos über Amsterdam mitbecho. Fun Fact: In Amsterdam gits meh Velos als Iiwohner😅

Nach de Bootsfahrt mached mer eus uf de Heiweg. Mir hend no gwerweisst ob mer no wend am Abig e Rotliecht Milleu Füehrig mache. Leider sind die guete Ziite scho bsetzt. Drum lömmers den bliibe und fahred retour zu eusem super Platz.

Dette ahcho essed mer als erst grad was Znacht. Mir hend fest hunger wil mer kein Zmittag gha hend😅 Es git wieder feine Grill mit diverse Salat. En super Znacht😍

Nachem Znacht isch no Jogge ahgseit. Da d’Valbi am morge nöd gsi isch wird das jetzt no nahghollt. Nach 1h sinds wieder retour. Recht vieli cooli Huusbötli hends gseh. Und au vieli Hüsli vo äne ade strass en eigete Stäg hend mit ihrne Bötlis druf. So cool!

Nachem renne gits no es Spieliduell wo super Funy gsi isch. Danke für de schöni Tag!Read more