Hüt staht Strandtag ah. Mir möchtet uf Zaandvort inne. So hemmer nachem Zmorge wieder de Olaf abfahrt bereit gmacht. Dasmal hemmer an Anhänger dra denkt, so das mer de Arco echli chönd entlaste.
In Zandvoort gsehnd mer no d’Nachwehe vom grosse Formel 1 Renne. Das isch ja gigantisch gsi!!
Mir laufed ca 15min zum Strand und nachher schlendernde mer nochli ade Promenade entlang. Jetzt packt eus de Hunger und mir stüred es Resti ah. Wow was für vieli Sache. Mir lönds eus nöd näh und schlönd richtig zue. Es isch eifach de Hammer😍 Nach dem mer eusi Büch volle hend, getraued mir eus glich mit em Arco an Strand. Eigentlich sind Hünd verbote, doch mir hend jetzt glich es paar gseh.
Leti gaht mitem Arco is Wasser und spielt mit ihm. Es gseht fantastisch us. Mir andere sind eher echli Wasserschüch und gnüssed de Strand und d’Sunne😋.
Nacheme glungene Tag müemer leider scho wieder retour, da ich am 17:30 Uhr wieder Schuel han. Während d’Valbi gaht go Jogge mached Ili und d’Leti de Znacht. Zoé sitzt scho im Büsli und verfolgt de Unterricht. Er isch würkli sehr spannend gsi und es het spass gmacht. Nachem Endi vo de Schuel tüemer alles no Zemme packe da morn wieder Abreisetag isch. Zoé derf au nochli Teigware esse. Sie sind super gsi. Und jetzt gahts wieder is Bett. Morn fahred mer wiiter. 🤩Read more
August 27, 2024 in Switzerland ⋅ ☀️ 22 °C