Reisetag ZRH-Doha-Denpasar

Um 1200 Uhr heat üs d Sara abgholt & noch Zürich gfahra. Denn homa glei as Gepäck abgia & icheckt. Alles super klappt. Ab in Flüger, dr 1. Flug isch 6h ganga, denn homa 3h Aufenthalt ka in Doha. Der Flughafa isch einfach nur mächtig. Sogär an Park mit 'Kunstböm' usw heats gia. Nochdem ma denn as Gate gfunda hond, homa no kle gmüatlich durschlendra künna, waren abr doch scho müad, weils scho 12.00 ide nacht war. Boarding war denn um 1.25. Um 2.25 isch dr Flügr denn abghebt - 11h noch Bali, Denpasar. Flug isch relativ guat ganga han o richtig viel schlofa künna. In Bali homa denn müssa no ewig ufs Gepäck warta. Visa on arrival homa zum Glück scho ka, d Lüt sind Schöange gstanda zums vor Ort mache. Mir hond nur no die 'custom registration' macha müssa und Geld wechsla. Üsr taxi Fahrer war scho do und heat üs denn ge Kuta zum Hotel Amanya Resort brocht. Leider hon se für die erste Nacht nur no a Zimmer mit 2 Einzelbetter ka (nicht verstellbar) aber halb so tragisch, as Zimmer isch echt modern & schö igrichtet & d Lüt sind soooo freundlich. Morn krigma denn a neues Zimmer, heats ghoassa :)
Im Zimner homa üs zersch mol frisch gmacht und hon denn no die Gegend kle erkundet ...
A feines Bintang am Strand trunka und noch was easss ganga. Da Laurin heat a Satay Ayam gno uf nam Tischgrill und i a Nasi Goreng. Daneabs sima no vo irgendwelchen Australiern enterteint wora. Hond dia a Fäscht ka, lustig gsi zum zuaschaua :) Denn sima wieder die Gässle zruck zum Hotel gschlendert & ab in die Falle.Read more