Udawalawe

Nacheme witere schöne Morge hemmer eus mit em Camil, eusem Fahrer, uf de Weg nach Udawalawe gmacht, wo mer eigentlich in Nationalpark hend welle... Nachem Znacht i üsem Homestay isch es eus aber gar nüme guet gange und s Znacht isch nöd lang i üsne Büüch bliebe 🙃🤢 Will mer die nöchsti Unterkunft in Ella scho buecht gha hend, simmer denn statt uf d Safari direkt nach Ella wiiter. D Fahrt het sich agfühlt wie im Delirium... D Elena het nur no Sternli gseh und ich han bi jedem Schlagloch denkt "hoppla da chunt nomal öpis ufe" und es het viel Schlaglöcher gha.... und sis Auto isch null, würkli null gfäderet gsi. Cool isch gsi, dass mer uf de Fahrt am Nationalpark entlang gfahre sind und doch au no paar Tier und Elefantis gseh hend 🐒🐘 Acho in Ella simmer denn eifach go pfuse und nach eis, zwei Fieberträum isch es eus denn au scho wieder chli besser gange 🤗Læs mere