Wilpattu

Am letzte Tag gmeinsam mit de Elena simmer no in Wilpattu Nationalpark. Das isch eigentlich de Nationalpark, wo chli weniger touristisch söll si. Es isch mer aber trotzdem recht volle gsi und d Jeeps sind recht dicht hinderenand her gfahre, was mich recht gstört het und mer het durch das au weniger vom Wildlife mitbecho. Trotzdem hemmer paar Tier gseh und d Landschaft isch sehr schön gsii. D Affe sind ultra frech gsii und hend binere Pause de halb Jeep usenand gno und ich han au chli Angst gha vor dene Dinger. Ich han mini Chips und e Banane müesse herge, nachene bini in Rueh gla worde 😅

Ich bin jetzt sit drü Täg ellai underwegs, obwohl ellai isch mer eigentlich selte. Trotzdem het's mi afangs scho chli gstresst, aber jetzt findi's eigentlich ganz schööön. De Wind isch leider die letzte zwei Täg nöd eh so guet gsi und darum gangi jetzt hüt nomal en Refresher zum Tauche go mache und mach denn morn oder übermorn no zwei Tauchgäng.Leggi altro