Tulum

Üse nächsti stopp esch tulum gsi. Am erste tag simmer relativ spat acho ond send denn eifach no id stadt go ässe. Aschlüssend hemmer no ine bar welle ond sind eifach i ergend en spelunke wos nor iheimischi ond lustigi wandmalereie gha hed. Det hämmer üs de lang mit eim unterhalte wo üs chli a armin erinnered hed....eifach als mexikaner 🤭
Am nächste tag hämmer e strandtag gmacht ond händs gmüetlich gno: chli go sünnele ond am strand entlang spaziere. Am obig hemmer deheime gchoched. Am nächste tag simmer ine cenote. D irina hed üs e tolli empfohle womer dur so löcher hed chönne inegumpe, mega cool gsi aber hed scho chli überwindig brucht wells zum teil rächt äng gsi esch. Ide cenote heds au no es riitiseili gha, use cho esch mer mit ere leitere. Am obig hämmer nomol üses riiese air bnb mit eignem pool ond pool ufem dach (eigentlich för de ganz komplex aber mer send die einzige gäst gsi 😅) gnosse.Read more