Letschte gmeinsame Tag

Üse letschti gmeinsami tag hemmer nomol in cancún verbracht. Mer send am spötere namittag acho, hend i üses air bnb icheckt ond send denn bald mal go znacht ässe. Aschlüssend hemmer no spiili gspilt bes spat id nacht, wells ja de letscht obig z 4. gsi esch. Am nächste morge hend d birgit ond de marco packt. Aschlüssend simmer nomol a strand. Es esch gar ned so eifach gsi e ort z finde womer a strand dörf wemmer ned gast i eim vo de riisige hotel bunker esch 🤷‍♀️ mer händ denn en ort gfunde ond send chli am stand entlang glofe ond händ denn es einsams plätzli nor för üs gfunde. Chli spöter esches cho rägne, de simmer eifach is meer gflüchtet 🤭
Aschlüssend hemmer no es letschts gmeinsams znacht gnosse, denn hemmer s auto am flughafe zruggäh, üs vo birgit ond marco verabschiedet wo ufs flugi send, ond send de metm taxi weder zrug is air bnb.Read more