Ei Tag in Mexico City

Die allerletscht nacht in mittelamerika verbringemer in mexico city. Mer händ üs es hotel i de nöchi vom flughafe gno ond erst womer da gsi send gmerkt wie edels s esch 🤭 zerst mal simmer vom flughafe abgholt worde, mit schild ond allem. Denn simmer is hotel gfahre wo üsi rucksäck uf somne goldige wägeli is zimmer bracht worde send. Mer send go dusche ond denn is historische zentrum vo de stadt. Det esches verhältnismässig rächt secher ond es hed sehr vell schöni gebäude ond e park. Mer send zerst chli umegschländeret ond denn als abschluss nomol so rechtig typisch amne streetfoodstand go tacos ässe....sogar a 3 verschiedne ständ, mer händ welle vergliiche, es rechtigs taco tasting😅 nach me letschte bier eschs de met em taxi zrug is hotel womer jetzt alles för d ireis id USA morn nomol durechecked ond üs uf d nacht imne rechtig bequeme luxusbett freued 🤩Read more