Start Wohnmobil-Abentüür

Höt esches so wiit: mer chönd üses wohnmobil go hole. Mit eme uber simmer vom hotel zu de company gfahre wo üs s wohnmobil vermietet. Det acho heds zerst mal papierkram gä ond denn en usfüehrlichi erklärig vo üsem neue deheime. So esches denn scho churz vorem mittag gsi bes mer händ chönne abfahre. Uf esches gange rechtig joshua tree nationalpark. Ufem wäg hemmer no "schnell" welle e posti-stopp im wallmart ilegge. De stopp esch denn 3 stond gange bes mer alles gha händ ond agstande sind zum zahle ond alles 🙈 womer usecho sind heds weder grägnet. So hämmer ganz schnell üse ichäuf is wohnmobil glade ond denn grad scho mol d vorteil devo gnosse ond ufem wallmart parkplatz zmittag gässe 🤭
Nachär esches wiitergange...d sunne esch de schnell abe, es esch chälter worde, zwüschedure heds sogar geschneit 🥶
Womer ufem camping acho send esch halbi 7ni gsi, stockdunkel ond knapp über 0 grad. Mer händ schnell afa heize ond denn uspackt, uf das hani mich scho lang gfreut, alles nach system versorge 😍🤭
Aschlüssend hemmer znacht gässe, no chli spiili gspielt ond send denn früeh is bett. Glii bini aber wieder verwached, es hed mega gwindet ond s ganze wohnmobil hed gschüttled wie es schiff, de erich näb mer hed seelenruhig gschlafe 😅 wos de chli nacheglah hed mitm wind hani de aber au no sehr guet gschlafe 😉Read more