Joshua Tree

A üsem erste tag in joshua tree hemmer chli welle im camperläbe acho. Mer händ extra 2 täg ufem camping bueched dass mer kei stress hend. So simmer nachem ufstah zerst mal ines visitor center üs chli go informiere ond nachär nomol alles go poste womer am vortag vergässe bzw ned gfunde händ. Am namittag esches met de sunne agnähm warm worde ond so hämmer üsi campingstüehl ond de tisch ufgstellt ond händ gmüetlich spiili gspielt ond chli gitärreled. Spöter hämmer de es füür gmacht ond afa znacht vorbereite. Mer händ feins grillgmües gmacht ond de erich sis guete stuck fleisch uf das er scho vo afang a so lust gha hed 😊
Am nächste morge simmer früeh ufgstande, hend de sunneufgang gluegt ond send denn i nationalpark gfahre. Mer send öberwältiged gsi! 😍 Mer send dure park gfahre ond händ a verschiedne ort aghalte ond wanderige gmacht...guet eher spaziergäng. Mer händ aber glich lang gha well mer immer wieder händ müesse luege, stuune ond fötele. Zwüscheddure hemmer no ganz praktisch ufeme parkplatz es spiegelei gchoched 😅
Am nami simmer de wiiter ufne andere camping. Well s wätter schlächter worde esch hämmer de räst vom tag dinne verbracht ond chli planed wommer dure wennd, spiili gspielt ond feini spaghetti gchoched zum znacht.Baca lagi