Deming

Wiiter gad üsi reis uf new mexico. Wells öberall no 10 grad z chalt esch, mer soo vill ziit händ und well mer s meer vermissed, hämmer üs entschlosse dass mer uf texas as meer fahred 🤭 womer bi de höhlene abgfahre send esch scho 12i gsi ond so simmer a dem erste tag ned all zu wiit cho. Mer händ gluegt wos unterwägs campingplätz hed ond send denn uf deming gfahre. Det hämmer imne rv park ghalte wo aber gar niemert ume gsi esch ond mer zwösche autobahn und hauptstrass gsi sind...das hed üs ned so pässled. De erich hed ide nöchi no en state park met camping entdeckt ond so simmer uf guet glück det hi gfahre. Mer händ glück gha ond es hed grad churz vor üsere akunft öper abgseid, so hemmer no e platz ergaterred. De camping esch am fuess vomne bärg gsi zmitst i kaktee inne mit ere mega schöne ussicht is tal. Mer händ es lagerfüür gmacht, de sunneuntergang gnosse ond nachär no d stärne ond de mondufgang überem bärg bestuunt.Okumaya devam et