Benson

Als nöchsts simmer wiiter uf Benson. Das esch ned so wiit gsi ond mer händ före nächsti tag det ide nöchi e höhletour bueched. So simmer scho churz nachem mittag ufem camping acho. Es esch herrlichs wätter gsi ond mer händ de namittag im t shirt ade sunne gnosse ond weder mal gwäsche. Zum znacht hemmer fajitas gmacht, so feini hemmer in ganz mexiko nie gässe (guet det isst mer au eher tacos, burritos ond quesedillas...) 🤭Am nächste morge simmer früeh los zu dene höhlene. Leider hed mer dinne ned dörfe fötele ond generell gar nüd mitnäh damit der die wärtvoll natur ja ned zerstört. Mer hend e 2 stündigi füehrig gha ond es hed sich werklich glohnt. Die höhlene sind riesig gsi, die eint halle so gross wie 2 tennisplätz! Mer händ vill spannends glehrt ond sind froh, hämmer de abstächer gmacht.Meer informatie