Hurricane

Am nächste morge bin ich früeh verwached ond ha die herrlich ussicht usem wohnwagefenster gnosse ond no chli gläse bes de erich au verwached esch. Mer händ ned so e wiite wäg vor üs gha ond drom au öberhaupt kei stress....mer händs rechtig gnosse, weder mol so gmüetlich i tag z starte 😊 Wiiter esch üsi reis i bundesstaat utah gange. Mer händ e camping im sand hollow state park reserviert. Mer send am namittag acho ond vonere schöne landschaft öberrascht worde: füürrote sand um en strahlend blaue see. Ussert üs sind i dem park aber eigentlich nor lüüt gsi wo de ganz tag mot motocross oder sandbuggies öber d düne gheizt sind...es hed au dementsprechend tönt 😂
Mer händ es spaziergängli am see entlang gmacht ond de räst vom milde namittag vorem wohnwage verbracht ond chli spiili gspielt. Am obig ha usnahmswiis mal weder ich gchoched: pilzrisotto nach em erich sinere aleitig 😉Read more