Clearwater

De tag hed scho strahlend schön ond heiss agfange. D birgit o d d larissa hend ne drum met me morgeschwumm im see iglüted ond hend nachär met me feine cappuccino usem resti gwarted, bes d manne ufstönd. Aschlüssend simmer is resti go zmörgele, bzw. salat ässe wells scho 11i gsi esch ond kei zmorge me gä hed 🤭
Denn simmer losgfahre zum berüehmte hempken fall, en sehenswärte wasserfall i dere gägend. Ufem wäg det äne hemmer no amne andere wasserfall ond anere ussichtsplattform met fragwürdiger zuefahrt (danke 1000 förs fahre marco!) ghalte. De wasserfall esch schön gsi, d ussicht vo de plattform denn so mässig. Mer hätt eigentlich die umliegende bärge gseh aber es esch leider mega dunstig gsi (glaub wäg me waldbrand neumet i de nöchi) ond drom hed mer ned werkli vill gseh.
De wasserfall womer eigentlich hend welle gseh hed de alles topt! 140 meter id tüüfi gads, eifach atemberaubend! Niemert esch usem stuune unsecho. Im winter gfrüürt de ganz zue ond lüüt chlättered met bickel ond so det ufe... Spinner geds 😅🤷🏼‍♀️
Aschlüssend hend mer üs bi dene heisse temperature im see bim camping abgchüelt ond denn e gmüetliche nami gnosse mit aperöle & spiili. Znacht hend höt d fraue för d manne gchochet: spargle mit sauce hollandaise (usem päckli) ond ofehärdöpfeli ☺️
Vorem pfuuse hed de erich no bewiese, dass er de herrscher öber catan esch ond all hend sich zum dessert no paar mikrowälle-popcorn gönnt 😋
Womer is bett händ welle hed de herrscher vo catan no sis handy in den tiefen des wohnmobils verlore, die andere händ sich chum no chönne erhole vor lache. Zu glück hed d retterin larissa am nächste morge s handy borge (danke a dere stell vill mal a papi förs biibringe vo problemlösefähigkeite ond de fachgrächti umgang mit me schruubezieher!)
Peace out
Flat Eric ✌🏻Read more