Jasper - Clearwater

De nächst tag esch weder chli früehner losgange. Mer händ spötistens am 11i welle abfahre ond vorhär all no dusche, gmüetlich zmörgele ond zämepacke.
Mer send denn dor die wonderschön landschaft rechtig clearwater gfahre ond händ e stopp in blue river igleit. Det hemmer nämlich e river safari buecht. Mit me riese kanu simmer über en see chauffiert worde zunere schwimmende plattform. Det simmer uf es speedboot umgstiege ond met dem semmer denn de fluss deruf gfätzt (heiii esch das geil gsi!😍😎) bes de fluss z seicht worde esch zum fahre. Det hemmer e super ussicht uf en wasserfall vom ne gletscher abe gha. De fluss derab esches de ganz langsam gange i de hoffnig bäre oder anderi tier z gseh. Leider hemmer ussert de schöne landschaft ond me vogel mit junge im näst ganz am afang kei tier gseh, hed aber trotzdem mega spass gmacht 🤩
Nachär semmer wiiter gfahre uf clearwater. Det hemmer för 2 nächt e camping diräkt amne chliine see bueched. Das esch au guet so, es esch nämli fast 40 grad heiss 🥵
Zum znacht hend d manne d fraue met me feine gmües-hörndli-uflauf bechoched.
Peace out
Flat EricLeia mais