Whistler

För die nächste 2 nächt hemmer es air bnb in whistler buecht. Luut am erich e touri stadt wo usgsehd als wär mer im disney land aber au bi de iiheimische e beliebte ferieort well mer da so guet cha skifahre bzw. bike. Ond mer müend säge, die beschriibig esch also rächt träffend. S stadtzentrum esch autofrei, alles schöni chliini hüsli met lädeli, restis ond bare, a allne latärne grossi fahne mit bäre ond wölf druffe, s fählt nor no d musig ond mer chönnt glatt meine es sig de europapark 😅
Mer händs üs mit es paar cocktails ond znacht usswärts la guet ga ond hend welle luege was mer am nächste tag wennd mache. Weder mal simmer ned druf cho, dass mer a somne touri ort d sache ja evtl chli im vorhinein müessti bueche ond so esch natürli alles scho längst weder usbuecht gsi 😂
Mer händ üs de es super sponti programm zämegstellt ond send somit nach em zmorge mitm handy go e schnitzeljagd dur d stadt mache. Am nami hemmer üs denn so rechtig kanadisch gfühlt: mer send go bieli rüehre 😂
Das hed werkli no rechtig spass gmacht ond de erich ond d larissa hend sogar e teamwettkampf gäg paar kanadier gwunne 🤭
Am obig hemmer de inere art apres ski bar grad bi de skilift eis zwoi trunke, öpis chliises gässe ond de mountain biker bim abefätze zuegluegt. Womer de för e schlummi no eis wiiter send hed det per zuefall grad a karaoke band afa spiele ond so simmer det no chli verhöckled ond händ de de lüüt zueglost ond de erich alias "urs from Switzerland" agfüüred 😅🎉
Peace out
Flat EricOkumaya devam et