Vancouver

Langsam aber secher neigt sich üsi reis am ändi zue 🥲
Üse 2. Letschti stopp esch vancouver.
Mer händ bi de karin glehrt, wie mer das rechtig usspricht, irgendwie me met ä als e, aber ganz so secher simmer üs dere sach nonig 😂
Bevor mer händ chönne is hotel ichecke simmer no go s aquarium aluege, esch grad ufm wäg gsi 😅 mer händ vill fisch, seehünd ond quallene gseh.
Nachär simmer is hotel go ichecke ond denn simmer mit de u bahn is stadtzentrum. Det simmer die berüehmti steam clock go aluege, wie de erich üs scho vorgwarnt hed esch die rächt härzig gsi 😂😂😂
Mer send de ines resti i de nöchi wo voredra no eine chli gitärreled hed go znacht ässe ond händ de inere bar ide nöchi vom hotel no e schlummi gno ☺️
Am nächste morge esches früeh los a flughafe, die letschte täg verbringemer nomol bi de karin.
Mer händ glaub die blödschti fluggsellschaft uf de wält verwütsch 🙄 zerst esch de koffer z schwär gsi (wobi das eigentlich gar ned cha si, mer händ nämli weniger dinne gha als bim hiflug 🤷🏼‍♀️😅), denn hemmer chli gepäck id rucksäck umglade ond denn send d rucksäck z gross gsi ond mer händ wäg dem müesse drufzahle 😂🤦🏼‍♀️
Immerhin han ich defür mal komfortabel dörfe reise...
Peace out
Flat EricEn savoir plus