Samara & Anreise Bocas del Torro🚌

Nach Tamarindo eschs ruhig witergange. Mer send in Samara gsi, was rächt es verlassnigs Dörfli gsi esch ond nome en Foodcourt ond vorallem velli Iheimischi gha hed. Mer send echli am Strand gsi, hend vell Speli gspellt ond im Pool im Airbnb gsi.

Mer send denn witergfahre und in Paquera ufd Fähri via Puntarenas. Dete hend sech denn üsi Wege trennt. No z Vierte en gaaaaaanz fettige Pizza inebiege bem Pizzahut ond denn send d Boys witer metem Auto uf Monteverde ond d Liv ond ech metem schwere Backpack uf die langi Busfahrt. Knapp 2.5h uf San Jose för en Zwöscheöbernachtig. Dete semmer im Selina Hostel gsi ond es esch Karaokeobig gsi, natürli hemmer do aktiv metgmachd ond neui Lüt kenneglehrt! S esch cool gsi!

Am nöchschte Morge direkt witer uf die 6h Busfahrt vo San Jose uf Sixaolo. Denn z Fuess öber d Grenze uf Panama. Dete uf en Shuttle quer dors Land ond anschliessend no ufs Speedboat för uf üsi Insle Isla Colon uf Bocas del Torro. D Areis esch abenteuerlich gsi aber hed sech absolut glohnt! Was mer bes etz gseh hend werkli härzig, jedes Hostel, jedes Resti, alles direkt met Meerzuegang uf verschedene Steg. Ond s Nachtläbe done esch sehr sehr cool! Do blibemer etz för de Rest vo de Reis.Læs mere