E neui Künstler-Karriere 🖌️

Höt esch en eher ruhige Tag gsi. Am Vormittag ben ech met de Bry ad Uni. Mer send weder früeh los dases no e Parkplatz hed. Sie hed aber erst spöter e Vorläsig gha, drom hemmer zerst zäme imne Gropperuum e chli gschaffed. Mer send im Innovation Center gsi, das esch eis vo de neuere Gebäude ond vell Nachhaltigkeitskörs fendet det statt, ech ha mech also wie dehei gfühlt. S Gebäude hed mer mega guet gfalle. Es esch ganz vell us Glas ond drom sehr hell. D Gropperüm send Balkon-ähnlech öbere de Iigangshalle ond mer cha guet abe luege. Wo d Bry denn met erere Vorläsig fertig gsi esch semmer weder hei. Höt Nomi esch mole ufem Programm gstande. Mer hend dezue e Video-Ahleitig gluegt. E Lehrerin hed eus also Schrett för Schrett erklärt weli Farbe mer wie mönd mesche ond Tips gäh wie mer mönd mole. Met dere Hilf esch s Resultat relativ guet use cho, zumindest besser als erwartet. Am Obe esch denn weder es Speli ufem Programm gstande. Das Mol eschs e chli es komplizierts gsi met Fantasy Figure. Aber noch gwösse Startschwerigkeite heds de aber au Spass gmacht.Read more