Reset search
Marokko 🇲🇦Marokko 🇲🇦
SatelliteEdit route

Marokko 🇲🇦

November 2023
De Südweste vo Marokko zwüsched Pferdeohre erkunde 🐴😊 Read more
  • 9footprints
  • 1countries
  • 10days
  • 48photos
  • 6videos
  • 5.5kkilometers
  • 4.6kkilometers
  • 282kilometers
  • 260kilometers
  • 96kilometers
  • 7kilometers
Follow Calendar Share Bucket list
Date ascending
  • TravelerMarokko 🇲🇦
    Day 1

    En anderi Welt

    November 16, 2023 in Morocco ⋅ 🌙 20 °C

    Nachme seeehr lange Weg an Flughafe (selber schuld wenn mer ab Genf flügt) isch es los gange.. bi 3°C und Wolke is Flugi igstiige und churzi Ziit spöter zum Sunneundergang und 26°C wieder usgstige. Was ich bis jetzt gmerkt han, es lauft vieles e chli anderst als i de Schwiiz 😅 zum Bispil gids e kei Gates womer is Flugi i und ustigt. Es gid en grosse Platz, det halted s Flugzüüg a und mer chann denn selber luege wie mer is richtige Gebäude chunnd. Denn muess mer dur en supergnaui Passkontrolle dure wos wüki alles vo eim wennd wüsse. ALLES! De Typ hed glaub gmerkt dasi ultra nervös gsi bin und hed denn immer chli witzli gmacht, nur hani die d hälfti vo de Ziit ned verstande mit mine igrostete französisch Kenntnis 😂
    Mitm Taxi bini de ufbroche in Richtig Hostel, isch super wenn de Fahrer unterwegs merkt daser eigentli gar ned weiss wo das Hostel isch und nur Arabisch redt. Aber mit viel umegefuchtel und Google Maps bini trotz em eher fragwürdige Fahrstil vom Taxifahrer am Ziel acho.
    S Hostel isch en absolute Traum, d Lüüt, d Location, d Irichtig alles de Wahnsinn. Jetzt gahni no chli id Hängematte go lese und mit em Babychätzli go spiele 😍    Read more

    See translation
  • TravelerMarokko 🇲🇦
    11
    Day 2

    Chli am gnüsse

    November 17, 2023 in Morocco ⋅ 🌙 19 °C

    In Tag gstartet hani mitem unglaublich tolle z Morgebuffet im Hostel. Denn hani dem kunterbunte triibe zuegluegt bis alli Hostelgäst wo gönd go surfe ihres Züüg binenand hend und sich uf e Weg as Meer gmacht hend. Nur zum ihne de churz drufabe am Strand bim Surfe zuezluege. Det hani de relativ schnell beschlosse en Spaziergang wäg vom Trubel z mache. Da d Sunne d Füechtigkeit us em Sand zoge hed isches de ganz Tag neblig gsi am Strand. Dur das hed sichs mengisch so agfühlt als wär ich all alone mit de Sunne im Rugge, de Welle links vo mier und em Sand under de Füess. Natürlich hani de irgendwenn ned nur welle durs Meer plansche sonder no richtig go schwimme. D Welle hani aber zimli unterschätz drum bini de schnell wieder im trochne gsi 😂
    Während ich am Strand am lese gsi bin hed sich uf einisch e Strassehündin zu mier gsellt, ihri Streicheleinheite abgholt und gfunde neb mier sig jetzt de perfekti Ort für es pfüüsi. Dur die tolli Gsellschaft hend mich die ganze Strandverkäufer in Rueh glah, wür säge win - win.
    Nachre entspannte Yin-Yoga Lektion heds z Nacht gäh im Hostel. Unglaublich vell und unglaublich lecker. Ha no nie so vell Schüssle mit Gmües uf eim Tisch gseh aber es isch wüki uu fein gsi. Jetzt simer no chli am pläuderle, Ping-Pong spiele und de Abig lah usklinge lah 😊    Read more

    See translation
  • TravelerMarokko 🇲🇦
    Day 3

    Weiter gehts

    November 18, 2023 in Morocco ⋅ 🌙 20 °C

    De hütig Morge hed mid Yoga agfange. E ganzi Stund simer zum Sunneufgang uf de Dachterasse vom Hostel dur die verschiednige Vinyasa "gflosse" (s einzig wo bi mier gflosse isch, isch de Schweiss 😂)
    De heds wieder es super feins z Morge gäh. De hani leider scho mini Sache müesse packe und mich vo dene tolle Mensche verabschiede, will am 11.30 mis Taxi cho isch für die witeri Etappe uf minere Reis. Es isch zrugg an Flughafe gange, det hani s Taxi gwechslet und det uf mis finnische Reisegspändli gwartet. Leider hed ihre Flug zimli verspötig gha und so bini 2h voll i de Sunne im Taxi bi 30°C brötlet worde 😅
    Nachere ransante Fahrt simer am spötere Namitag uf de Ranch acho. Es isch en Traum. Mer fühlt sich als wärmer imne Märli us 1001 Nacht. Es gid hie uf em Hof ein Esel, zwei Chatze, drü Hünd und 21 Ross. Das erst spat z Nacht gäh hed simer vorane no de Sunneuntergang am Strand go luege. Isch scho fast e chli kitschig gsi. Zrugg uf de Ranch heds es super z Nacht und gueti Gspröch gäh. Jetzt heissts ab go schlafe will morn gahds früeh los und endlich ab ufs Ross 👏    Read more

    See translation
  • TravelerMarokko 🇲🇦
    Day 4

    D Blaumöse chömed

    November 19, 2023 in Morocco ⋅ 🌙 18 °C

    Hüt isch de ersti Tag mit de Ross gsi. Nachme riesige z Morge isch jede sis Ross go hole und parat mache. Churz drufabe simer los richtig Strand. Det simer Kilometer um Kilometer grite, mal im Schritt, mal im Trab und öppe 30 sekunde im Gallopp. Will eini ihres Ross ned under Kontrolle gha hed und das voll losgrennt isch, isch en anderi leider vom Ross gheid und mier hend uf einisch alli e chli Müeh gha d Kontrolle z bhalte. De zrugg Weg isch dementsprechend ruhiger gsi will mer ned nomal öppis hend welle riskiere. Ich ha uu es tolls Ross gha, Tiny.
    Nachere churze Mittagspause isches scho gli wieder los gange, leider für mich mitme andere Ross. Mitem Aswald (so heissts Ross) bini ned e so z schlag cho. Er hed zwei Gangarte gha, entweder hesch en müesse vorwärtstriibe bi jedem einzelne Schritt oder (nur im Gallopp) er isch grennt. Und wenn es Ross ufere Sanddüne rennt und du dier ned so sicher bisch öbd Kontrolle no hesch oder ned ischs nömm soooo agnähm. Aber zum Glück isch alles guet gange.
    Nach dere ganze ufregig heds en entspannte Spaziergang zum Strand gäh, zum wieder mal de Sunneuntergang luege, uu es feins z Nacht, gueti Gspröch (natürli über Ross) und jetzt gahds ab is Bett. Ich hoffe min Bei erholed sich bis morn, es isch erst Tag 1 und ich ha scho überall Blaumöse und Muskelkater 😅
    But just 6 more days and I'll have survived this 👏😂    Read more

    See translation
  • TravelerMarokko 🇲🇦
    Day 5

    Umepläuschle

    November 20, 2023 in Morocco ⋅ ☁️ 20 °C

    Langsam hemer chli en Routine. Z Morge ässe, Ross parat mache, Usrite, Ross verruume, zMittag ässe etc... d Liina und ich sind hüt Nami anstatt go riite a Strand go d Füess bade. Schwimme isch ufgrund vo de riesige Welle ned möglich gsi 😅 na simer i die nächsti Stadt es bitz go lädele und ich ha natürlich ganz vell Souvenirs kauft 🤗
    Am Abig heds wieder guets Ässe und no besseri Gspröch gäh bevor mer üsi Sache hend müesse packe für de Trail wo morn startet.    Read more

  • TravelerMarokko 🇲🇦
    1
    Day 6

    Verschwitzt

    November 21, 2023 in Morocco ⋅ ☁️ 19 °C

    Hüt ischs los gange uf e Trail 😍
    Weg de Fluet hemer ned ufe plantu Weg chönne und hend am Morge eifach en grossi Rundi umd Ranch gmacht und denn öppe 300meter nebedra am Strand z Mittag gässe. Vorane hend natürlich d Ross müesse mit Ässe und z Trinke versorgt werde. Mer sind um die 15.30 ume wieder gstartet und es isch sooooo heiss gsi. Die ganz Mittagspause scho voll a de Sunne und de bi 31°C knall a de Sunne öppe 15km am Strand entlang. Aber es isch uu schön gsi und mer hend es paar Mal chönne gallopiere. In Aglou ischs weg vom Strand obsi gange bis mer bi üsere Unterkunft fürd Nacht acho sind. Uf em Weg simer no vomene Esel attackiert worde 😂
    Grad oberhalb vonere riesige Klippe hemer d Ross abunde, versorgt und sind denn üsi Unterkunft go besichtige. Mer hend inere Höhli übernachtet und es isch en mega tolli Erfahrig gsi. Kei Elektrizität und kein Handyempfang, defür aber guets Ässe, en wunderschöni Ussicht und kuschligi Bett. Und das ganze bi Cherzeschii 😊    Read more

    See translation
  • TravelerMarokko 🇲🇦
    Day 7

    Ab dur d Wüesti

    November 22, 2023 in Morocco

    Nachere mässig erholsame Nacht (d Welle sind so unglaublich luut gsi) ischs am Morge wieder los gange. Mer sind richtig Innland gritte dur mehreri chlini Dörfer und Maisfelder. Ageblich hends hie i de Region vell Wasser unter de Erde. Sie pumped das ufe und bewässered so d Felder. D Energie für das chunnd vo Solaralage. Es isch chli es komischs Gfühl wennd dur absoluts Niemandsland ritisch und denn ufeinisch z mitzt imne Maisfeld stahsch 😂
    Churz vor em Mittag simer wieder am Meer acho, dasmal ned Strand sondern Klippene. D Ross hend e Pause becho, d Tiny hed sogar es richtigs Mittagspfüsi gmacht a de Sunne. Nach de wohlverdienti Mittaspause ischs de Klippe entlang wiiter gange und mer hend en richtigi Wüeste erfahrig gmacht mit all dem Sand. Mer sind zimli flott unterwegs gsi, fast immer am trabe und gallopiere. Mer hend d Ross sogar zwei drü mal richtig chönne lah renne, es unglaublich tolls Gfühl. Mer sind um die halbi siebni ume bim Hotel acho, hend d Ross versorgt und sind go dusche. Eini vo de beste duschene woni je gha ha, i de Höhli gester heds nemli nur chalts Wasser und en Lumpe gäh 😅 Nach em superfeine z Nacht (mer hend alli unglaublichi Mengene gässe), heds zimli gli gheisse ab is Bett.    Read more

    See translation
  • TravelerMarokko 🇲🇦
    Day 8

    Es isch wies isch

    November 23, 2023 in Morocco ⋅ ☀️ 20 °C

    Leider leider bini hüt ned am riite. Ich bi am Morge am 5i mit Buchchrämpf verwached und ha de rest vo de Nacht ufm WC verbracht. Am 9i hani de erfahre dass es ned nur mier so gahd sondern zwei anderne au no. Was absolut Sinn macht, will mer hend z dritte vo de gliche Platte gässe und vermuetlich isch s Poulet wo mer gha hend ned guet gsi. Die eint hed zum Glück nur wenig Poulet gha, ihre gahds au dementsprechend guet. D Emel und ich hend leider zimli vell Poulet gha. De Emel gahds zum Glück chli besser als mier, sie hed grad nachm Ässe gmerkt das was ned guet isch und afange Medis näh. Ich han leider ned so gli gschalte und erst am 6i die erste Medis hindereghaue. Darum bini leider bis am halbi 12i absolut abhängig vom WC gsi und dur das mit em Taxi zrugg zu de Ranch. Ha vorane bitzli Gümel und Rüebli gässe und bi jetzt am Cola schlürfe und Footprints schriebe. S gahd mer definitiv besser als am Morge aber ha immerno sehr en flaue Mage. Hoffe es wird gli besser, so dasi morn wieder cha go riite. Aber wie seid mer so schön: es isch wies isch 😅Read more

    See translation
  • TravelerMarokko 🇲🇦
    Day 9

    Aquatherapie

    November 24, 2023 in Morocco ⋅ 🌙 16 °C

    Hüt isch de letzti Tag womer gönd go riite. Am Morge simer mit de Ross wo uf em Trail gsi sind en gmüetlichi Rundi an Strand go mache und hend i de Welle chli Aquatherapie gmacht. Na ischs im Schritt über d Sanddüne (zum d Ross dehne) wieder zrugg ufd Ranch gange. Ich han de letzti Usrit mit de Tiny uu gnosse. Will mer nur churz sind go riite hemer u vell Freiziit gha und d Johanna und ich hend chli im Stall gholfe.
    Am Nami simer nomal uf e churze Usrit für ein letzte Gallop am Strand. Isch chli schad gsi will mer alli Ross becho hend wo mer vorane ned kennt hend. Aber de Karim (üse Guide wo mer die ganz Wuche gha hend) hed üs super Tipps zu jedem Ross gäh. Ich bi ufm Kaouki gsi, en riesige Wallach. U en liebe, aber unglaublich langsam und seeehr komischi Gangarte 😂
    Am Abig hemer mit de Guides zäme gässe was u toll gsi isch und s z Nacht isch de WAHNSINN!!! gsi. E riesigi Schüssle mit Couscous, Gmües und Fleisch.    Read more

    See translation
  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English