Hitchhike 🚘

Autostope hani in Tahiti kenneglernt. Es wird sogar im Reisefüehrer empfohle😅
Ich ha dur das scho vil erlebt und interessanti Lüt kenneglernt.

S'erste Mal mit de Maria wommer am Abig in Moorea acho sind und öppe 2h Fuessweg vo üsem Air B&B entfernt gsi sind. D Scooter Rentals hend all zuegah, drum Hand use und warte. Nachemene wiili hed de eine aghalte. Chli froh bini gsi das mer s zwoite gsi sind, denn nachemen sympahtische Start heder de glich üsi Nummere welle.. Mer hend de chli verwirrt gspilt und er isch de ohni üsi Nummere wiiter.

2. e Familievater mit sim Kind mitere Ohreenzündig ufem Biifahrersitz. E nette Typ mit guetem Sound im Auto.

3. Flightattendant vode Air Tahiti. Er hed mich a Flughafe gfahre, da ich ufgrund vo mim chauf vomene Pain au Coco de Bus verpasst ha. Mer hend üs grad verstande, mis Aviatikherz heds natürli ultraspannend gfunde ihn uszfrage, sofern das mögli gsi isch uf Französisch.

4. mitem Benj
Mitemene Ichaufswage volle und Gepäck für d Kayaktour in Able Tasman hani mich ufem Parkplatz uf d Suechi gmacht nachemen Ride, es hätt zwar Shuttels geh aber why not give it a try. De Benji isch die 2 Person gsi woni aghaue ha. Checkpot, alles hed Platz gha, und es isch echt vil Zügs gsi wommer debi gah hend😅 Abgseh das er chli e verspilte Hund gah hed, wo mich praktisch die ganz Autofahrt entweder abgschläckt oder versuecht hed z Bisse. Zum Glück hani mini Hundeangst in Polynesie chönne besiege.

5./6. Way back to Nelson
Geld spare? JA, drum hemmer denkt versuechemers mit Hitchhike zrug uf Nelson. 5 Meter vom Hostel glofe, halted au scho s erste Auto. En Engländer wo sit scho einige Jahr in NZ lebt. Er isch grad vomene Run cho und fahrt extra en Umweg für üs, das mer ade richtige Strass chönd für's nöchste Auto warte.
S Gepäck ufem Parkplatz usglade, schnell e Schluck Wasser trunke und de werdemer scho vomene Kiwi agsproche öb mer en Ride bruched. Er hed müsse is nöchste Dörfli, go e Bluettest mache. Er isch super nervös gsi und glaub grad froh heder mit üs biz Ablänkig gha. Er isch pensioniert und tued as friwillige Arbet Campingplätz schön phalte. So cool, wiemer im Alter cha aktiv si und öppis de Natur/Gsellschaft zruggeh!

Vo dem Dorf wonner üs usglade hed, fahred Büs nach Nelson. Es herzigs Dörfli, mer hend üs entschide ufe lesti Bus z gah und biz d Umgebig z erchunde. Pies gesse und am Strand die schönste Muschle gfunde. Und schwubs, de Bus verpasst😅 guet ich gibs zue ich ha de Wecker e Stund z spaat gstellt.. Naja, demfal witer mit Hichhike. Am Strasserand triffemer 2 anderi Backpacker, ein Schwiizerin und e Holländer. Gfühlt drü Sätz tüschled und scho halted es Auto, mit, unglaublich, Platz für all inkl. Gepäck!
- e grüeni Hitchhike Welle würdi sege 😄

7./8. Hitchhiking back nach Grey
Nachemene lange Hike, 5h, wegem Rege durchnässt, simmer froh gsi hend mer nachemene wili Fahrer troffe wo üs mitgnu hend. De erati hed üs bimene Café useglah wommer üs biz ufgwärmt hend und de hemmer üses Glück numal versuecht und de zruf uf Grey gschafft. Lustig, beid Fahrer sind Mineworker gsi und so hani biz meh über die Arbet erfahre. De einti hed zB täglich 12h Schichte plus 1h Arbetsweg und glich nach somene stränge Tag hed er üs ufgabled! 🤩Read more