Tálknafjörður

Ég er nú stödd á Tálknafirði og ætla að vera hér í nótt. Það hætti að rigna seint í gærkvöldi, en það var kalt og næðingur á Patreksfirði í morgun þegar ég fór á fætur. Sem betur fer er eldunaraðstaða og matsalur á tjaldsvæðinu, þannig að ég gat eldað mér súpu í kvöldmatinn í gær, og borðað morgunmatinn inni í hlýjunni í morgun. Þarna var asísk fjölskylda þegar ég kom inn og pabbinn var að elda, fyrst morgunmat og svo nesti fyrir daginn, og ilmurinn af matnum var þannig að nú langar mig í thailenskan eða kínverskan mat. Fæ kannski svalað þeirri löngun á Ísafirði.
Eftir sundsprett í lauginni ók ég út á Rauðasand og labbaði um í fjörunni fyrir neðan Melanes, í blessuðu sólskini. Ég sá að það var þoka/lágskýjað úti á Látrabjargi, svo ég sleppti því að fara þangað og ók í staðinn hingað á Tálknafjörð. Hér eru sólarglennur og ca. 10 °C hiti, og ég er búin að vera að leika mér á ærslabelgnum við sundlaugina.Baca selengkapnya