Comida Yucateca

Gester hami e Tag lang still gha, wiu *trommelwirbel* i bi mau ume erkältet gsi.
Hüt bini de es Huus witer u zwar zersch uf Pisté. Dert häre bini mitem Bus u bi oh die einzigi Touristin gsi. In Pisté wohne Claudia u ihri Familie u si biete bi ihne daheime es Buffet ah mit typischem Esse us Yucatán. I ha ihre Kontakt vom Marvin (mim Guide vo Costa Rica) übercho u ha sie de mau agfragt, obi äch dörft verbicho. Da me mindestens vier Persone muess si, hani chli müesse warte u hoffe, aber hüt isch de e grösseri Gruppe vo Intrepid bi ihne gsi u i ha dörfe derzue cho. Si hei mi auso recht flott ufgnoh u i ha mit vielne Reisende chönne plöiderle. Z Esse isch meeega fein gsi, si macht aues säuber u früsch. Bi mega froh hani ds gmacht, wiu es isch e Ort wome aus Tourist süsch nid häregeit, me muess es eifach wüsse.
Nachem Esse het mi Tochter vor Claudia de netterwis no zur Busstation gfahre u vo dert bini witer uf Mérida. Dr Bus het i jedem Dörfli no aghaute u dür ds heimer chli länger gha. I bi de z Mérida no ga es Busticket für morn organisiere und ga ichoufe u mache mer e gmüetleche Abe.Read more