Chichen Itza und Mayakultur

Dä Morge hani aus ersts mau usegfunde, das Yucatán ä anderi Zitzone het aus Quintana Roo u das mis Handy das nid tschegget. Drum bini e Stund zfrüeh bim zMorge gsi u dr ganz Tag e bitz verwirrt.

Nachdem i de doch no zMorge ha becho bini mitere Tour los vo Valladolid richtig Chichen Itza. Ds isch öpe die bekanntisti Mayastätt, isch oh die "neusti" und ghört zude sibe neue Weltwunder. In Chichen Itza heimer e Füehrig übercho u üse Guide isch würklech super gsi. Er het viel Wüsse über d Mayas und Chichen Itza und het au üsi Frage geduldig beantwortet. Ds bekanntiste Gebäude isch d Pyramide. Jedi Site isch zimlech genau gäge ne Himmelsrichtig usgrichtet u jedi site het 91 Stägetritte. D Pyramide isch für d Mayas quasi e Kaländer gsi. Die 91 Stägetritte si 3 Monet (91x4=364 Tag im Jahr). So heisi immer gwüsst, wenn das Erntezit isch. I ha ds sehr spannend gfunde. Nach dr gfüehrte Tour heimer no gnue Zit gha zum säuber ga umeluege.

Am Mittag simer de zur Cenote Chukum gfahre u hei dert zMittag gässe. E Cenote isch sone Höhli mit Grundwasser. Ir Cenote heimer de chönne ga bädele u sii bis mer ume zrugg uf Valladolid si.Read more