Thun, i ha di vermisst...

Am Mäntignami isches so wit gsi u i ha mini längi Heireis nach 5 Monet unterwegs si aträtte.

I bi zimlech früeh am Flughafe gsi. Zum Glück, wiu bim Check-in het mer dr Mitarbeiter gseit, mis Flugi sig um ne Stund vorverschobe worde u i ha leider ke Info übercho. Isch eigentlich no gäbig gsi, wiu i ha trotzdem gnue Zit gha für aus u ha de weniger lang müesse ufe Abflug warte.
De Flug isch agnähm gsi, oh weni nid ha chönne schlafe. Z Istanbul bini de derfür fasch ipennt u ha när die letschte drü Stund uf Züri chönne pfuse.

Z Züri am Flughafe het d Sändi uf mi gwartet, was oh für mi e schöni Überraschig isch gsi. Eigentlech hani mit niemerem grächnet, wiu i mini Liebste ha wöue überrasche u drum nume füf Lüt vo mire Heireis hei gwüsst.

I ha i dere Wuche paar Lüt mau besser u mau weniger gäbig chönne überrasche u ha mega Freud gha, aui wider z gseh.

Schön, nach 5 Monet ume daheime zsi. I ha d Reis sehr fest gnosse u die Erlebnis werde mer immer i gueter Erinnerig bliebe. Bis zum nächste mau und hasta luego! 👋Read more