Welcome to Canada

Hüt isch üsi Reis endlech losgange u mir si am Namitag z Züri losgfloge übere Teich. Dr Flug isch sehr agnähm gsi u es het aues bestens klappet. Üses Gepäck isch oh sehr schnäu cho u drum simer de oh mau ir Stadt gsi. Mir hei üs dert chli umegfragt bezüglech de öV u hei oh z Hostel problemlos gfunde. Üsi Unterkunft isch ir nächi vom Kensington Market. Mir hei üsi Umgäbig no hurti churz erkundet u e sehr feine Burger gässe. D Hüsli hie si mega herzig u es het viu hübschi Kafis u Lädeli. Da mer e längi Reis hei gha simer de recht früeh iz Bett u morn chas de losgah mit dr Stadt erkunde.

Aui Kanadier:inne womer hei troffe si sehr fründlech gsi u gseit: Welcome to Canada!Weiterlesen