Vor Hockey Hall of Fame bis Casa Loma

A üsem erste Tag z Toronto simer mitem Tram zur Waterfront gfahre u dere entlangspaziert. Die höche Hüser heimer afa mau uf üs la würke u hei flissig Fotos gmacht. Z Ziu isch d Hockey Hall of Fame gsi, ds isch DÄ Ort für aui Hockeyfans da usse, aber oh für nid Fans, wi ig, ischs recht idrücklech gsi. I ha iz auso vieles über d NHL u Ishockey allgemein erfahre. Nach dem guet 2-stündige Bsuech simer witer zum St. Lawrence Market u hei dert öpis gässe. Ner heimer dä Märit natürlech no chli erkundet. Am spätere Nami simer de ines Kafi ghocket u hei no chli plant. Z Wetter isch zurzit eher bewölkt, recht chaut u luftig u drum simer sehr froh um üsi Winterjaggene u gueti Indooraktivitäte.

Hüt simer zum Casa Loma gfahre. Ds Huus het mau am Sir Henry Pellatt ghört (für die wos nid wüsse: er het drfür gsorget das Toronto Elektrizität überchunnt u isch e riiche Gschäftsmaa gsi). Ds Casa Loma isch würklech sehr sehenswert, da er i sim daheime oh viu mit Liecht u Elektrizität het usprobiert u dür ds isch ds Huus annodazumal mega modern gsi. Es isch zum Bispiu z erste Huus gsi miteme eigete Lift. D Rüümlechkeite si oh sehr hübsch u no mega guet zwäg. Mir si öpe 2.5h dert gsi u ner ume zrugg i üses Quartier öpis ga esse.
Hüt ischs nomau chli chälter u drum simer iz am Nami gad dinne bliebe u hei für morn no Tickets buechet. Wos here geit erfahret dr de, we dr dranne bliebet...Read more