Resetuj wyszukiwanie
Unterwägs in Südostasie
  • Rebecca Blaser
  • Frido
  • Rebecca Blaser
  • Frido

Unterwägs in Südostasie

I 2 Mönet dur Vietnam, Kambodscha und Thailand Czytaj więcej
ObserwujPodsumowaniePodsumowanieKalendarzKalendarzZdjęciaZdjęciaDzielićDzielićLista postanowień
PodsumowanieKalendarzZdjęcia
  • Rozpocznij wyprawę
    17 grudnia 2025
  • Unterwägs in Südostasie

    Zwüschestopp in Doha

    18 grudnia 2025, Katar ⋅ ☁️ 24 °C

    Mer send guet in Doha acho. Hüt hämmer schomal de Hafe uskundschaftet. Die gröschti Useforderig esch öppis z'Ässe für d'Mayra z'finde. Aber mer send fündig worde und si het eigentli "Fotzelschnitte" gässe 😅
    Höt esch auno grad Nationalfiirtig vo Katar. Esch also vell los i de Stadt, aber spannend 😊     Czytaj więcej

    Zobacz tłumaczenie
  • Unterwägs in Südostasie
    2

    Sightseeing in Doha

    19 grudnia 2025, Katar ⋅ ☀️ 18 °C

    Mer händ Doha erkundet. Villi schöni Ort gits gseh. S'Ussergwöhnlichschte isch de Räge gsi, wo über de halbi Tag aghebet het. 😅 Luut eme Iheimische hets sit 11 Jahr ned so fescht grägnet 🌧 Mer send uf de Souq Waqif (Märt) und am Abig go d'Skyline aluege. Leider esch s'Fürwerk wägem Wätter abgseit worde.
    Am Friitig semmer uf the Pearl gsi. Chli für Touris gmacht, aber schön gsi. Am Abig semmer denn uf de Flüger richtig Ho-Chi-Minh. Ziit hetmer sich ufem Flughafe in Doha guet um d'Ohre chönne schlah. Zum Bispil im Indoor-Garte 😁     Czytaj więcej

    Zobacz tłumaczenie
  • Unterwägs in Südostasie
    11

    Acho in Ho-Chi-Minh (Vietnam)

    20 grudnia 2025, Wietnam ⋅ ☁️ 32 °C

    Mer send guet in Vietnam acho. Händ en riise Schlafmangel, well d'Chend sehr wenig ond mer gar ned händ chönne schlafe im Flugi.
    Passkontrolle esch chli lang gange, ca. en Stund, obwohl de Frido Fastline buechet het. Bi de "Normale" würded mer glaub jetzt no astah 😅
    Jetzt gahts as Uskundschafte vo de Stadt. 1. Idruck: es esch tüpig, luut, dräckig und es mega Gewusel uf de Strasse 🛵🚙🚗🛵     Czytaj więcej

    Zobacz tłumaczenie
  • Unterwägs in Südostasie

    Ho-Chi-Minh City

    23 grudnia 2025, Wietnam ⋅ ☁️ 32 °C

    Sightseeing met Chend esch andersch. Velli Kafis und Restaurants hämmer uskundschaftet. Alli 500m hämmer müesse en Zwüschestop ilegge, will s'Mami immer wott laufe. 😅 D'Rebi het d'Sehenswürdigkeite abklapperet, die beschti werd leider grad renoviert. Im 1. Kafi händ d'Chend d'Sonnebrülle loh ligge, also esch d'Rebi so richtig zum laufe cho und isch nomol alles zrugg gloffe. 😅
    Im. Shoppingcenter simmer üs go abchüehle 🥶
    Schön esch anderscht, aber mer händs gseh. Jetzt semmer froh, wemmer usem Gwusel usechömed und chli an Strand chönd.
    De Nino het d'Kokosnuss entdeckt und d'Mayra so Fläde us Riis 😅
    Und ja, es het vill und kitschigi Wiehnachtsdeko. D'Mayra und d'Rebi fiireds.     Czytaj więcej

    Zobacz tłumaczenie
  • Unterwägs in Südostasie
    1
    1

    Acho im Paradies

    23 grudnia 2025, Wietnam ⋅ ⛅ 28 °C

    Metem Speedboat semmer in Süde gfahre. Isch no spannend gsi, d'Chend händs ned so gnosse. D'Mayra het bi de Akunft en Totalzämebruch gha. Viiiill Närve hets kostet. Alli händ warm und Hunger gha. 😬 Schnäll go Burger und Pommes ässe und denn zum Hotel fahre. Imene chliine Paradies semmer glandet. Alli sind wider glücklich. Vor allem d'Chind gnüsseds mega 🥰
    Chliises Update vo de Ässensfront vo de Mayra: Riis isst si nanig, defür "fried chicken". Und zum Glück gits fascht überall Pommes 😅     Czytaj więcej

    Zobacz tłumaczenie
  • Unterwägs in Südostasie
    11

    Wiehnachte und Geburi mal andersch

    24 grudnia 2025, Wietnam ⋅ ⛅ 29 °C

    Mer händ de Pool und s'Meer so richtig gnosse. D'Rebi het äntli en Tämpel chönne go aluege und mer händ d'Fischer gfunde. Z'Nacht hämmer imene Resti mit Menue nur uf Vietnamesisch gässe. Irgendöppis hämmer uf jede Fall becho. Esch super gsi. Google-Translate sei dank 😊
    Wiehnachte hämmer am Strand verbracht und sind denn uswärts go ässe. D'Rebi het eifach öppis bstellt und isch am Schluss vom Fisch ufem Täller aglueget worde 🙈🐟
    De Mayra ihres Wiehnachtsmenue? Richtig, Pommes 😁
    Nachher simmer no schnäll is Dörfli füre, so richtig kitschig go en Wiehnachtsdonut ässe 🥯
    Mer send dete es Highlight gsi. Alli händ d'Chind welle fötele und händ üs zuegwunke.
    De Nino het sich für de Geburi en Tag am Strand und am Pool gwünscht, isch natürli erfüllt worde. Und s'Hotel het no en Chueche organisiert und schön dekoriert. D'Ballön und Smarties send us de Schwiiz importiert worde. 😊
    Und am 26. Dezämber simmer wiiter. Mitem Taxi. Leider hets sehr vell Stau gha und mer sind 5 Stund, anstatt 3.5 im Auto ghocket.
    D'Chind händs super guet gmacht. Und denn äntli semmer acho im Mekongdelta. Ganz en herzigi Unterkunft mit Outdoor-Bad, inkl. Frösch, Geckos und Palme. 🌴Mer send gspannt, was üs da erwartet. 🤩
    PS: d'Mayra het kei Sunnebrand, s'Föteli esch sehr ungünstig. Ihri Huut esch extrem troche und grötet.     Czytaj więcej

    Zobacz tłumaczenie
  • Unterwägs in Südostasie

    Mekongdelta

    28 grudnia 2025, Wietnam ⋅ ☀️ 30 °C

    Mer händ 3 tolli Täg im Megkongdelta verbracht.
    Zwei Usflüg hämmer gmacht. De 1. ufene Ananasplantage. Dete hämmer no chönne zueluege und mithälfe bim Ananassüessigkeite mache. Nachher simmer witer en Tempel go aluege. Das het eigentli nur de Rebi gfalle und mer send im Schnällzugtempo dure...
    De 2. Usflug esch ufe Megkong gange. Vo det us hämmer villes gmacht: Biendli agluegt, Schlange gstreichlet, Frücht probiert, Schiffli gfahre, Riisfläde gmacht und en Kokosnussverarbeitis-Fabrik hämmer bsuecht. Nachher simmer TukTuk gfahre, das händ d'Chind gfiiret. Zum Abschluss händ d'Chind no Fisch und Krokodil gfüeteret. 🐠🐊
    Die Usflüg het de Bsitzer vo de Unterkunft organisiert. Mer send sehr froh gsi, hämmer en Privattour gha ufem Megkong. Es esch sehr touristisch gsi und so hämmer ame a de Warteschlange verbii chönne 😊
    De Vo (Bsitzer) esch ganz en Tolle gsi. Er het alles organisiert und üsi Wünsch erfüllt. Toll isches gsi. Und denn esches Ziit gsi zum wiiter gah...     Czytaj więcej

    Zobacz tłumaczenie
  • Unterwägs in Südostasie
    2

    Rach Gia

    29 grudnia 2025, Wietnam ⋅ ☁️ 30 °C

    Da verbringed mer en Nacht, bevor mer uf d'Fähre richtig Phu Quoq göhnd. In Vietnam isch alles immer sehr fescht und kitschig belüüchtet. 🤩 Und s'Strass überquere hämmer langsam im Griff 😁

    Zobacz tłumaczenie
  • Unterwägs in Südostasie
    1

    Phu Quoc

    3 stycznia, Wietnam ⋅ ☁️ 29 °C

    Die letschte 5 Täg semmer uf de Insle Phu Quoc gsi. Do anecho semmer metem Speedboat. Üsi Unterkunft esch chli näbet usse gsi. De Strand bi de Unterkunft esch leider voll gsi met Müll (siehe Foto), so dassmerne ned händ chönne bruuche und an anderi Ort händ müesse gah. Leider hets kei Autos und Roller meh gha zum miete. Also semmer metem Taxi unterwägs gsi. Send vell am Strand gsi. D'Insle esch sehr touristisch. Also semmer go Jetskifahre und uf d'Wasserhüpfburg 😅 Is neue Jahr semmer bimene BBQ gstartet.
    Jetzt hämmer gnueg badet und e Teil vo üs esch voll met Muggestich. Jetzt gömmer weder ufs Festland und reised uf Kambodscha. Mal luege, wies bim Grenzübergang klappet. Neui Dollar und viiill Närve hämmer im Gepäck. 😁 Mer göhnd miteme Minibus.     Czytaj więcej

    Zobacz tłumaczenie
  • Unterwägs in Südostasie
    2

    Acho in Kambodscha

    6 stycznia, Kambodża ⋅ ☁️ 30 °C

    Was füren Reis...
    Uf de Fähre hets extrem gschauklet, wills fescht gwindet het. Mer send zum Glück alli Seefescht gsi, im Gägesatz zu anderne. Das mol hämmer VIP Plätz gha ufem Oberdeck. 😁💸
    Mer send z'Fuess öber d'Gränze. Denn hämmer seeeehr lang gwartet. Mer wüssed ned, wiemer soooo langsam chan schaffe a de Passkontrolle (Kambodscha). Aber mer send öberecho und d'Chind händ sehr geduldig metgmacht, trotz de Hitz...
    Denn simmer nachere Stund imene Minibus acho in Kampot. S'Hotel het en Pool und jedes Chind het es eignigs Bett. 😅
    Es esch es sehr schöns Städtli und d'Lüüt mega nätt. 😊
    Mer händ en TukTuk Tour gmacht zu de Pfäfferfarm, emene See und zu de Salzfälder. Sehr lehrriich gsi, aber teilwis chli warm. 🥵
    Am 2. Tag esch de Frido go kite und d'Rebi esch met de Chind en Mangrove-Tour go mache. Das esch toll gsi ond mer händ sogar no 3 Mangrovebäumli dörfe pflanze. 🌱
    Kampot het üs sehr guet gfalle. Alles sehr entspannt und d'Chinde liebed s'TukTuk fahre.
    Morn gahts wiiter uf Koh Rong (Insle). Mer reised met Zug (da simmer sehr gspannt druf) und mitem Speedboat. Ässensupdate: De Nino liebt s'Ässe da, d'Mayra bliibt bi de Pommes 🙈     Czytaj więcej

    Zobacz tłumaczenie
  • Unterwägs in Südostasie
    111

    Rollergang uf Koh Rong

    10 stycznia, Kambodża ⋅ ☀️ 27 °C

    Metem Zug simmer vo Kampot nach Sihanoukville gfahre. Das esch erstuundlich guet gange und mer händ nume 30min Verspötig gha. 😁 Mer händ gseh, wo die Arme vo de Arme läbid und viiiiill Abfall. 🙈 Nachere sehr schauklige Fahrt ufem Speedboot, semmer uf de Insle Koh Rong acho. D'Rebecca esch froh gsi, esches nume 45min gange. 😅
    Üses Hotel esch amene chli abglägnige und afangs sehr windige Strand. Wäge dem hets nur ei Möglichkeit geh, mer mieted üs 2 Roller 😁🛵🛵
    D'Rebecca esch zum 1. Mal i ihrem Läbe Roller gfahre und es het klappet. D'Chind fahred metem Frido mit. Nachere Testfahre vo de Mayra bim Mami, eschsi weder umgstige. Es esch z'langsam gsi 😅
    Mer händ wunderschöni Stränd entdeckt, über zum Teil sehr abentüürtliche Wäge. Het für die einte Neulänker echli Überwindig bruucht. 😊 Mer send aber alli heil acho.
    Eis vo de schönschte Erläbnis für üs alli esch s'Kajakfahre gsi. En Otter het üs die ganz Fahrt begleitet. 🦦 Das esch sehr herzig gsi. D'Chind händ no lang vom "Otti" gredet. 🥰 Und da de Wind abgstellt het, hämmer au a üsem Husstrand chönne go bade und Kajak fahre. Sehr schön da und s'Wasser isch kristallklar und keis bitzli Abfall. 😊 Morn gömmer go schnorchle. 🐠🐡🐙🪸🐟 Und denn müemmer leider schowider wiiter. Schad, hämmer de Flug uf Siem Reap scho buechet, mer wärid gern nachli länger blobe. 🙁
    PS: D'Mayra het fried Barracuda (Fisch) gässe und hets uh gern gha. Sogar mit Riis 🎉     Czytaj więcej

    Zobacz tłumaczenie
  • Unterwägs in Südostasie

    Siem Reap

    14 stycznia, Kambodża ⋅ ☀️ 30 °C

    Mer send guet und pünktlich uf Siem Reap gfloge. Vorher no en sehr ruhigi Fahrt metem Speedboot ufs Festland. De Flug het 1h duuret. Taxifahrt is Hotel het au 1h duuret und esch en Tortour gsi. De Taxifahrer het üs alli Toure vo Siem Reap welle ufdränge. Mer händ alles abglehnt und sind no nie so froh gsi, womer lm Hotel acho send. D'Chind händ chli Startschwierigkeite gha. Si händ sehr vill Närve kostet. De gits zwüschedure ame scho die Momänt, womer sich fröget, wiso mer das genau möched. 🙈
    Aber denn... Wow, was füren Stadt. D'Tempel vo Angkor Wat sind sehr idrücklich. Es git sehr villi devo. Mer händ bis jetzt afe 3 verschideni ahglueget. Drundert au de berüehmti Angkor Wat. De esch au uf de Flagge vo Kambodscha z'gseh. Mer send jewils am Namittag gange, denn hets nümme so vill Lüüt gha. Es esch sehr agnehm gsi ond d'Chend händ würkli guet mitgmacht. De Nino esch sehr interessiert und het villi Frage, womer probierid z'beantworte. D'Mayra isch guet gloffe und umeklätteret. Ab und zue hetsi churz duredreihet, wennsi z'heiss gha het. Wohär si das ächt het. 🤔 D'Föteli gähnd nur en chliine Iblick. S'sälber gseh und erläbe esch unglaublich idrücklich. Ab und zue hämmer au no Affe gseh 🐒 Das ganze hämmer met üsem persönliche TukTuk-Fahrer gmacht, wo immer uf üs gwartet und denn wiitergfahre het. 😁🛺 (näi, es esch ned de ufem Foti 😅)
    S'Städtli Siem Reap isch au toll. Es git viiill Märt und Sache zum luege und ab und zue au chaufe. 😊 Es git alles zum ässe und au d'Mayra chond uf ihri chöschte. 😅
    Als chliine Ahaltspunkt, was da alles so choschtet: Üses Hotelzimmer, mit 3 Bett, Bad, z'Morge und Pool choschtet 40.- pro Nacht. Für üs isch alles sehr günschtig. Wemmer mal für 40$ z'Nacht ässid, esches sehr vill. 😅
    PS: s'1. Foti esch no vo üsem Schnorcheltrip.     Czytaj więcej

    Zobacz tłumaczenie
  • Unterwägs in Südostasie

    2 tierischi Täg

    16 stycznia, Kambodża ⋅ ☀️ 31 °C

    Die letschte zwei Täg simmer go Tierli aluege. Z'erscht Mine-Ratte. 🐀 Die sueched Landmine. Vo dene gits leider no sehr villi in Kambodscha. Die Ratte chönd inere Halbstund es Fäld, so gross wienen Tennisplatz absueche.
    Hüt semmer go Elefante bsueche. Es sind alti Arbetselefante. Si händ müesse Lüüt umeträge i de Tempel. Das esch jetzt vo de Regierig verbote worde. Jetzt dörfids ihres Läbe im Kulen Elefant Forest gnüsse. 🥰🐘 Es esch sehr beidruckend gsi. D'Chind händs sehr gnosse. Vor allem s'Füettere vo de Elefante. 😁 Mer händ de letschti Abig in Kambodscha gnosse. Morn gahts wiiter uf Thailand. Dete wirds sehr vill Lüüt ha. Mer findid chum meh Unterkünft, füren aständige Priis. 🙈 Wägem Konflikt zwüsche Kambodscha und Thailand hets sehr wenig Touriste in Siem Reap momentan...     Czytaj więcej

    Zobacz tłumaczenie
  • Unterwägs in Südostasie
    11

    Hallo Thailand

    21 stycznia, Tajlandia ⋅ ☁️ 29 °C

    Als Abschluss vo Kambodscha simmer nomal en Tämpelstadt go aluege. Es esch würkli heiss gsi und nachere Stund händ d'Chind gstreikt, was au verständlich gsi esch.
    Sit es paar Täg simmer in Thailand. Was sellidmer säge...
    Üs gfallts nanig so würkli. 😬 D'Lüüt sind eher unfründlich, es het vill Lüüt, alles isch voll und tüür.
    Mer send vo Siem Reap uf Phuket gfloge. Händ wedermal en Stund a de Passkontrolle gwartet. 🙈 Händ inere völlig übertüürete Unterkunft bim Flughafe übernachtet ( si esch ned mal schön gsi) und sind am nächschte Morge metem Speedboat uf Ko Yao Yai.
    D'Chind fiired üses Hotel da mega. Mer chan diräkt vom Balkon in Pool, wo riisig esch. 😁
    Mer send weder mal ufere Insle. Das heisst ab uf de Roller. 🛵
    So hämmer gseh, dasses au ächt schön chan sii in Thailand 😊 D'Rebecca fendet die Felse im Meer idrücklich und chönti si stundelang aluege 😅 Suscht hämmer ned vill gmacht ussert badet und sehr feini Mojitos trunke. 😁🍹
    Mer send gspannt, was üs Thailand no chan büüte 😆     Czytaj więcej

    Zobacz tłumaczenie
  • Unterwägs in Südostasie
    1Min Scoopy 😍1111

    Weder mol es Update

    28 stycznia, Tajlandia ⋅ ⛅ 28 °C

    Mer händ üs scho es Ziitli nümme gmäldet... 😊
    Es esch ned ganz eifach gsi in letschter Ziit. Mer händ üs sehr schwer da mit wiitere Unterkünft bueche, händ stundelang gsuecht und denn gliich ned gwüsst, was mer wänd. Mer händ üs enschide, nach Koh Lanta z'gah. D'Überfahrt ufem Speedboat esch chli schwirig gsi. Es het wider mal vill Wind und dementsprächend vill Wälle gha. De Nino hets leider gar ned guet vertreit 🤢 und het 1.2h chli müesse bisse. Zum Glück simmer 30min schnäller gsi als geplant.
    Üsi Unterkunft isch sehr herzig gsi. Leider händ sich d'Chind en Stock, bzw. es Bett müesse teile. Das isch sehr schwirig gsi. Mer händ würkli vill gstritte und es esch sehr unentspannt gsi. Mer händ wider Roller gha und sind uf de Insle umegfitzt, sind go shoppe i de old Town, händ schöni Strandbeizlis gfunde und wunderbari Sunneuntergäng bestuunet. 🌅
    Ein Tag simmer ufenes Tauchboot. De Frido het 2 Tauchgäng gmacht und de Räschte esch go schnorchle. Sehr schön gsi und mer händ vill gseh. Leider esches au da sehr windig und wällig gsi. De Rebecca esches nachem 1. Schnorchelgang nümme guet gange und si het nurno chönne ligge ufem Boot. 🤢🙈
    Hüt semmer wiiter uf Koh Jum. Sehr en ruhigi Insle und die wedermal windigi Überfahrt het nume 25min duuret und alli händs guet überstande. 😁
    Mer send jetzt da imene tüüüüüüre Resort am Strand mit Pool und d'Kind sind uf einisch weder mega entspannt. 😊
    De Räscht vo de Reis hämmer jetzt buechet, dass üs die guete Hotels ned weder weggschnappet werded. 😅     Czytaj więcej

    Zobacz tłumaczenie
  • Unterwägs in Südostasie
    1
    Das isch en Aff. Het sehr villi devo überall.De Nino het lieber am Bode gschlafe als mit de Mayra im gliiche Bett 😅1Chalt isches gsi am Flughafe 😅

    Sun, Fun and Chill

    1 lutego, Tajlandia ⋅ ☁️ 32 °C

    Mer send 5 Täg uf Koh Jum gsi. Sehr en chliini, ruhigi Insle und mer händ ned vell gmacht. Mer händ weder Roller gha und sind chli umenand gfahre. 😊 Mer händ en Chochkurs gmacht und wüssed jetzt theoretisch und au praktisch, wiemer fein thailändisch chochet. 😁
    Leider händ sich im Frido sini Näbehöhle entzündet und er isch en Tag meh oder weniger flach gläge. 🤒 Zum Glück isches ihm scho bald weder besser gange. 😊 D'Chend händ Chräbsli gfange, Sandburge baut und mer send imene riiiisige Fischschwarm go schnorchle, das esch sehr idrücklich gsi 😊🐟
    D'Luune esch weder vell besser. D'Rebecca hät nach villne Nächt met sehr wenig Schlaf (niemer weiss wiso 🙈) äntli weder mal guet gschlafe. 🎉
    Nach es paar entspannte Täg hämmer weder zämepackt. Dasmal semmer weder mal metem Flüüger greist. Mer send metem Boot as Festland, metem Minibus an Flughafe und mitem Flugi vo Krabi uf Bangkok gfloge. Mal luege, wie mer de Wächsel vo de entspannte Insle id Grosstadt verträged. 😁
    PS: Ässensupdate vo de Mayra: Es feins Brot met Lachs und Ei hets geh. Suscht bliibt si lieber bi de Pommes. 😅     Czytaj więcej

    Zobacz tłumaczenie
  • Unterwägs in Südostasie
    Chocolate Hour im Hotel Mövenpick in Bangkok 🍫🍩🧁🍰
    1

    Big city life

    3 lutego, Tajlandia ⋅ ⛅ 32 °C

    Bangkok. Was fürne Stadt. Eifach riisig...
    Mer händ müesse merke, dasses met de Chind eifach ned so gaht, wiemers gärn hätti. Es esch wahnsinnig überfordernd. Mer händ müesse igseh, dass nach 2 Stund im Trubel en Pause bruucht werd. Oder z'Ässe 😅
    De Mayra het s'Discotuktuk am beste gfalle, well mer sälber händ chönne Musig istelle. 😅🛺
    Mer send da gsi, händs erläbt und göhnd wiiter, ohni öppis gshoppet z'ha. 😅 So hämmer wenigschtens au keis Gepäckproblem. 😁
    Vo Bangkok gahts zu üsem letschte Stop, uf Koh Chang. Da reisid mer metem Bus, aber ohni Hüehner. 😆🐓
    Nomal chli Sunne, Strand und Meer tanke, bevors denn wider hei gaht. Ganz ehrlich, mer freuid üs au weder ufs Heicho. 🥰     Czytaj więcej

    Zobacz tłumaczenie
  • Unterwägs in Südostasie
    Theorie ghört au dezue. 🤓

    En Tag ufem Tauchboot 🐟🪸🐠

    7 lutego, Tajlandia ⋅ ⛅ 29 °C

    Geschter semmer weder go tauche und schnorchle. Am 8.10 semmer im Hotel abgholt worde. D'Rebecca het ihri erschte zwei Tauchgäng gmacht. Es esch super gsi und es eschere sehr eifach gfalle. Ussert, dass si nachem 1. Tauchgang fascht kötzlet het und si fascht verfrore esch. Nachem Ässe undere Pause esches weder guet gsi. I de Zwüscheziit esch de Frido en Tauchgang go mache. Leider mit sehr schlächter Sicht. 🙈
    Am 17.30 semmer weder im Hotel zrugg gsi.
    Esch en lässige Tag gsi. Am Abig send alli sehr müed gsi. 😊     Czytaj więcej

    Zobacz tłumaczenie
  • Unterwägs in Südostasie

    Back Home 🥰

    11 lutego, Szwajcaria ⋅ 🌧 9 °C

    De letschti Tag esch leider ned so verloffe, wiemer sich das vorstellt. Im Frido esches i de Nacht sehr schlächt gange. Er het extrem Durchfall becho ond es esch ned besser worde. Da mer am nächschte Tag händ welle heireise, hämmer üs entschide in Spital z'gah. Zum Glück händ üsi Chind binere Schwizer-Familie chönne bliibe, womer im Hotel känneglehrt händ. So het d'Rebecca de Frido metem Roller in Spital gfahre. 😅🙈
    Mer händ kei gueti News becho, defür umso besseri Medis. Er het sich en bakterielle Infekt gholt. Dur was wüssedmer ned. Wasser, Iswürfel, Frücht...
    Am nächschte Morge esches im Frido sowiit besser gange, dassmer üs entschide händ, alli mitenand heizgah...
    D'Reis esch uh sträng gsi. Taxi, Fähre, 5h Bus, Taxi, 5h Ufenthalt imene Flughafehotel und denn 12h Flug bis hei. Mer send froh simmer guet heicho. D'Chinde händ alles meeeega super mitgmacht und viiiill gschlafe im Flugi. Jetzt hoffedmer, de Frido chond bald weder uf d'Bei.
    Danke fürs Abhole am Flughafe, die schöne Plakat und de feini z'Morge. So chond mer gern hei. 😍
    Mer freuid üs, üch scho bald weder z'gseh. 🥰
    Happy Fasnacht 👮‍♂️👨‍✈️👩‍🚀🧚🏼‍♀️🧙🎉     Czytaj więcej

    Zobacz tłumaczenie
    Koniec wyprawy
    11 lutego 2026
  • 2026© FindPenguins
  • Strona główna
  • O nas
  • Śledzenie grupy
  • Wciśnij
  • Warunki
  • Prywatność & Cookies
  • Centrum pomocy
  • Odcisk