Rest of Phnom Penh - Capital of Cambodia

-
Nach dem Erlebnis im Museum hemmer eus entschide, die bekannte Killing Fields nüm go aluege; mir hends emotional nöd so verkraftet. Tally isch no 1 Tag chrank worde & beid simmer gad froh gsi, hemmer eus für die letschte 2 Nächt in Kambodscha es richtigs Apartment gmietet. So hemmer selbstständig chöne Wösch mache, hend viel Platz gha - und sogar Möglichkeit, zum Pasta Geil choche 😌🤤

Mir sind susch eifach chli in Phnom Penh umestreunered. De Jonas het no de Jürgen, en alte Bekannte vo sim Nachbar, troffe - de schaffed sit mehrere Jahr ide Stadtverwaltig vo Phnom Penh.

Ide Hauptstadt hemmer s'Kapitel Kambodscha denn beendet. Es sind zwei spannendi, ufribendi & ufregendi Wuche gsi. Gad am Afang hemmer gar nöd chönne Fuess fasse, sind eus verlore & hilflos vorcho. Es isch schwer gfalle, mit de Locals in Kontakt trete & igendwie über sie e Connection zum Land herstelle.

Je meh mir aber über Gschicht und die tüfe Wunde wo das Land vom Krieg devo treit het, erfahre hend, desto meh Verständnis isch ume gsi für d'Situation vode Bevölkerig vo Kambodscha. Die Lüt dete sind immerno prägt vo dene junge Ereignis & lebed teils in grosser Angst, eb wege Landmine oder will Täter vom Bürgerkrieg quasi Tür a Tür mit de Opfer lebed.

Alles in allem isch Kambodscha es sehr spannends Land, wos absolut wert zum Bereise isch! 🙏❤️Read more