Kein Platz im (The) Nest

Woni hüt am morge gmerkt han dass die zwei Täg im Onderz Hostel au scho wieder dure sind und ich entweder verlängere muen oder dases hald doch emal no uf Koh Rong über gahd. Am Schluss hani mi den doch für die Koh Rong entschiede. Will den au scho fascht 11i gsie isch und churz vorem Check Out gsie isch hani mini ganzi Wahr dusse uf de Tisch grüert und ahfah sortiere. Wärend dem isch mer in Sinn cho dasi mini Wösch no set abhole, woni bim ominöse MiniMarket in Uftrag geh han für öpe 4.75 USD für 1.7 KG.
Han das züg den churzer han ihpackt und de Rucksack ready gmacht. Ich gibe zue ich han no s gfühl gha es seg echli wenig gsie.
Um die 12i bini den losspaziert in richtig Fährestation wo mer den für 10 Franke es bilet richtig Koh Rong hend chöne geh. Die zwei stündli hani den no imene fascht tote saracen bay resort verbracht. Und no gmüetlich eh Tom Yum Suppe gschlürft. Nebe bi hani no versuecht min eigete Rocket.chat Server online z stelle.
Nacher ischs den endlich eso wiit gsie ab richtig Koh Rong, eigentlich han ih denkt die fahrt set nume 10 Minute gah, sie hend aber s Speedboat dur en chline Fischkutter mit zwei VW 4 Zylindermotore ersetzt, darum isch den halt echli länger gange ca. Es Stündli.
Auf dem Boot traf ich dann 3 Brittinen und einen Finnen (Elmo) und der DJ vom Mad Monkey war auch wieder da. (Den seh ich schon zum dritten mal)
Mir hend den den am Strand vo the Nest ahgleit und sind mit eusem ganze Gepäck durchs Wasser gstapfed.
Alli übernachtet im The Nest. Also hani mi ahgschlosse und bi den au direkt ade Reception go bueche, leider ohni erfolg. Sie hend mi den grad as Bunos Jungle verwiese wo nur es paar Minute entfernt lied. Ufem weg hani d Maylea kenne glernt sie und echli pläuderlet. Sie sind inere grosse Gruppe us schwizer Tourismus Studentinnen. Dete sind öpe 4 Lüt am fulenze gsie. Ich han mer den s Zimmer zeige lah und gmerkt dases für 10 Franke völlig übertüürt gsie isch, es isch würkli füecht gsie und han es schlechts gfühl gha. Also han mi wieder uf de uf the weg zum The Nest Beach Club, dete hed mi den au scho d Maylea in Empfang gno und mir en platz ih ihren 4er Bungalow ahbote. Mit der coole Truppe bini den no drü Täg underwegs gsie. Mer hend no eh Rollertour um die ganz Insel (fast) gmacht und jenschti lüt heds gleid im Sand mitem Roller aber das isch ja ein "Sanftes Umfallen" jedenfalls nach es paar gmeinsame Znacht esse. Verlah ich jeds d Insel Koh Rong, wills schwirig isch da spontan underwegs z sie. Meischtens sind d Hostel usbuecht oder wirklich nöd sehr schön zum dete bliebe.
Bald setti in Sihanoukville ihtreffe, dete warti den ufd Studente Truppe und fahre mitne uf Phnom Penh.
Dete gangi den en Kolleg go bsueche.

Wiener uf de Fotis gsehnd isch Plastik in Kambodscha leider es grosses Problem.Read more