Tyhjennä haku
Hochziitsreis
  • Stéphanie Niklaus-Meyer
  • Markus Niklaus

Hochziitsreis

51-päiväinen seikkaillu — Stéphanie & Markus Lue lisää
SeuraaYhteenvetoYhteenvetoKalenteriKalenteriValokuvatValokuvatJaaJaaToivelista
Uusin ensin
  • Hochziitsreis
    Eine Hirte in der alten Uniform, Regenschutz aus Baumrinde2Sauermilch und Buchweizen mit Griben2Geschafft

    Kamnik, Velika Planina

    17.–20. kesäk., Slovenia ⋅ ☁️ 11 °C

    Velika planina, gstartet hömmer am 06.15 🤪 de einizig Bus vo Kamnik us esch am 07:20 gfahre.
    A de Talstation acho semmer aber ned die erschte gsi 😉
    Met Seilbahn 🚠 hömmer die erschte Höhemeter hender üs brocht (Danke Sandra und Dave😍)
    Ab denn esch Fuessmarsch Agseid gsi. Velika Planina esch e wonderschöni Hochebeni bekannt för eri Hirte Unterkünft. A de erschte Hütte hed eus de bereits de erschti Hirt empfange, leider hed er weder üs, no mer ehn Verstande 🤣😂

    Aber met Händ, Herz und Füess god Kommunizieren meischtens glich ergendwie😍

    Mer hönds üs denn ned loh ne, e füehrig met z’ mache, dör die ältischti ursprünglichi Hütte,
    Sehr Spannend, mer send zwor 30 Minute vor de offizielle Öffnigsziite det gsi, aber sie hed gmeint, es seig keis Problem, Sie seig parat und sie hed sech so rechtig vell ziit gno för üs, u herzig

    Noch dere Spannende Füehrig hömmer üs em Stärkig verdient gha, Sauermilch und Buchweizen mit Griben und es Glas Öpfelsaft.

    Und denn semmer de erscht so rechtig los. 17 km chrüz und quer rund um die Hochebene
    Mol meh, mol weniger met Weg und Orientierig 🙃
    Mer hönd de Wäg aber am Schluss weder zu de Bergststion gfunde und send müed, aber met vellne schöne idrück zrugg im Tal acho.    Lue lisää

    Katso käännös
  • Hochziitsreis
    Dä Peak isch Dr Grünzwärt...
    1So wird ds Höi tröchnet und gelageret: über die Stangene gleitMystic Castle1Üses Dessert ☺️2Das Seeli isch am ändi vo Dr zuesatzrundi gsiDs Panorama

    Beziehigs-Grenzwert ist 17%

    18. kesäkuuta, Slovenia ⋅ ☀️ 26 °C

    Hm… Dr Gränzwärt isch 17%.

    Ä Stiigig mit

    <17% und mir bliibe äs Paar und fahre weiter zäme Velo

    >17% und Ig, Dr Kusi, wirde ufe Mond 🌓 geschickt….

    Ja, so eifach isch es!

    Aber vo vorne:

    Zmorge mit de Pancakes vom beste pancake-choch uf derä Wält. Hett gschmöckt!

    Denn parat mache für äs velotüürli. 55 km u öppe 600 hm… auso äs schöns Ründeli.

    Zersch am Fluss nache, de äm Bächli nache mit Bienelehrpfad. O ds Fäntli hett chönne däm emsige schaffe zueluege.

    Und de isch äs grad gar fescht losgange: dür ä Wald und stotzig…. Ja cheibe stotzig.

    D Steffi hett gfluechet und uf 100% Unterstüzig gwächslet und Ig ha wiiterkurblet und bi still bliebe.

    Aber wüsst dir was: äs hett sech glohnt. D ussicht über die wiiti und ds Tal gäge Ljubljana und Kranj isch wunderschön gsi.

    Und o hütt wieder: äs isch gsi wie ihr Schwiiz…. Hügel, Wald, Felder, Dörfer….

    Ä wunderbari Rundi isch de ds änd Gange mit äme feine Dessert.

    Ig ha när no ä rundi i das Tal vo gester gmacht, zum usefinde werum so viu rennvelofahrer dört ufe trampe.
    Der Grund isch äuä eifach: schöni Stiigig coole Beiz obe und chüehl.

    Dr Tag hei Mr bimene orientalische Znacht lo usplampe….    Lue lisää

    Katso käännös
  • Hochziitsreis
    11

    Bled

    19.–20. kesäk., Slovenia ⋅ ⛅ 28 °C

    Höt hömer üs vo Kamnik us Rechtig Bled ufe Wäg gmacht.
    Ufem Plan esch es Zmorge am See gstande, nochem itauche vom ruhige und beschauliche Kamnik is turbulente Bled, hömmer no die reschtliche Zuetate poschtet und hönd üs am Ufer vom See es Plätzli gsuecht und gfunde.
    Nochemene usgibige Zmorge am See, semmer met em Auto wiiter zur SUP Vermietigsstation, de eschs Parking choschtelos gsi wemmer bi ehne öppis gmietet hed ( de Parkplatz in Bled hätti för 4 Stund, 20.00 Euro kostet 🤪🙈)
    Met em SUP semmer de chrüz und quer und 2 Mol um Insle ome padled. Ziit vergod wie im Flug und was natürlich ned dörf vergässe werde in Bled, isch die „Weltbeschti“ Cremschnitte und well mer üs de gschichtsträchtigi Ort vo Tito‘s Villa ned hönd welle loh entgoh, hömmer wohl au die Welttüürschti Cremeschnitte vo de Welt gässe😂😂. Nochemene churze Ikaufsstopp semmer rechtig üsere Unterkunft gfahre: Ribno Alpine Glamping 🥰 5 Minute usserhalb vo Bled, eifach herrlich, Ruhig und nei höt pfussemer ned im Zält, sondern imene Holzhuus zmetzt im Wald met eigenem Hotpot verusse 🥳🥰😍    Lue lisää

    Katso käännös
  • Hochziitsreis
    Knusper knusper KnäuschenSchlossbrügg :-)211

    Ljubljana: im Zeichä vo Food

    20.–23. kesäk., Slovenia ⋅ ☀️ 28 °C

    Ja, nach em feine Zmorge im Hotel vom Tadej Valjavec mit all dene Trikots vo Pogi und Mohorič und Urska, si mr los gäge Lubljana.

    Hotel mitts ir Stadt, zäck, über d Drachenbrücke ufe Märit und: Offene Küchen…. Zersch drüber loufä, de probiere:

    Steffi hett ä Brottäsche mit Poulet gha, Dr Kusi hett chli knuspriges Söili gha ☺️😋

    Die Grüch und Gschmäker, der Hammer!

    Zum Dessert hei mir üs de no äs spezielles gleistet: äs Glutenfreis Pat-a-chou und äs schoggi-türtli. Hmmm fein!

    De uf d Burg ufe mit em füni wie dehei, chli sightseeing und am Oobe am Fluss härehöckle und gniesse, chli in slowenische Summerkläng schwelge und lo usplampe….    Lue lisää

    Katso käännös
  • Hochziitsreis
    Stow Coffe, als Start für den Gravel-Ride
    Wie ein Tunnel...Dr Stopp nach em GräveleMag und Fäntli.....Antipasti mit Orange WinePizza 😋Jota und Krajnska KlobasaOhne WorteMoules mit Pink FluidIdrijski žlikrofiprekmurska gibanicaJanez, Mag, Fäntli and 🤔

    Nach dem Biken ist vor der Food Tour

    21. kesäkuuta, Slovenia ⋅ ☀️ 27 °C

    Da mir am oobe ä Foodtour ufe em Program hei gha, isch Dr Fokus über ä Tag bim Grävele gsi.

    Mir hei üs Dr POT vor gnoh, ämu im Grosse und Ganze, mit zwe usflüg über Höger:

    Weg der Erinnerungen und Kameradschaft (slowenisch Pot spominov in tovarištva).

    Dr POT ist ä Gedänkwäg rund um Ljubliana, dört wo ä abgränzig mit Stacheldraht im 2. wältchrieg zwüschem faschistische Italiänisch bsetzte Stadtgebiet und äm Umland verloffe isch. Ä Chieswäg, wunderschön zum fahre isch das. häufig sogar mit 🌳 am Rand.

    Nach dene doch fasch 60 km velofahre hett ä glace nid dörfe fähle, de isch de scho gli mau paratmache für üsi Foodtour agseit gsi.

    Am 7i si mr ir Lobby parat gsi, gspannt uf ds kommende. Mag, dr Weimaraner, hett üs begrüesst mit äme Stupser mit Dr Nase und de isch es scho losgange.

    Ä erschte Stop mit Bresaola, Speck und Wurst, plus äme perfekten Orange-Wine.

    Denn: ä Pizza nach napoletanischer Art mit
    Perfektem passendem Bier.

    Hei, und zwüschdrinn: so viu Wüssenswärts über Slowenen und Slowenien…. Ä uustusch uf augehöchi.

    Und de isch es zum Jota und Krajska Klobasa, dere feine Brühwurst mit Kren oder Sänf Gange. Derzue ä Wii, nid Wiss u nid Rot…. Muss man mögen….

    Ä Troum bis do häre.

    Ja, da slowenie mediterran, kontinental und Alpin isch, hei Meeresfrüchte nid dörfe fähle.

    Glaub die best Austere gha do, de no ganz feine Miesmuschel u ä Blööterli-Wii mit Name „Pink Fluid“.

    Mir si no nid fertig gsi: Mag u Fäntli hei üs no wiitergführt, so zum Abschluss.

    Äs hett Idrija Žlikrofi gäh, Teigtäschli, ähnle chli Ravioli, hei aber o Härdöpfu mit im Teig, Ire Sauce mit Hahnenfleisch, ä feine Rose derzue, da Dr Muskat nümm guet isch gsi. Und zum Abschluss:

    Prekmurska gibanica, äs schichtdessert mit acht (8!) Schichte.

    Satt und mit ganz viu Iidrück si mr zfriede heizöttelet und gli mau am Tröime gsi….

    PS: wenn me Slowene nach ihrem traditionelle Ässe frogt, isch d Antwort folgendi: äs git kei typisches Ässe, mir hole ds guete Rezäpt us de Nachbarsländer und maches besser mit de Zuetate us Slowenie….    Lue lisää

    Katso käännös
  • Hochziitsreis
    Suche den UnterschiedGeburikuchen 😍

    Tolmin

    23. kesäkuuta, Slovenia ⋅ ☁️ 30 °C

    Höt esch abschied vo Ljubljana agseid gsi und mer hönd üs ufe Weg rechtig Julische Alpen gmacht.
    Gfühlti 2000 Kurve sends gsi bes zu üsem
    Stopp i de Tolminer Klamm.
    Ab em 2 hömmer üse „Slot“ zum ine gah 😉 gha
    E chlini aber schöni Schlucht met türkisblauem Wasser, es esch mega heiss gsi trotz de Bäum drumm semmer ned so lang blobe, hönd Rundwanderig gmacht und hönd üs de wiiter rechtig Bovec uf gmacht. Do semmer jetzt die nächschte 4 Nächt, drumm hömmer au üses Zuesatzzelt ufbaut, zum Glöck 🫣 denn no wäred em choche heds afo Rägne und Gwittere🥳

    Zum Abschluss vo mim Geburtstag heds de no e Camping geburi Chueche gäh🥰    Lue lisää

    Katso käännös
  • Hochziitsreis
    2
    Gravelbike tauglich?1

    Bovec

    24.–27. kesäk., Slovenia ⋅ ☀️ 22 °C

    Höt am morge hed sech de Kusi früeh ufe Wäg gmacht: 1800 Höhenmeter met em Velo hönd uf ehn gwartet 😱, aber das sel er üch selber verzelle;

    Mit em Näbu wo vom Gwitter isch bliibe hange, hetts ä mystischi stimmig gä. D Uuffahrt zum Passo Predel isch rächt gäbig Gange, Temperatur isch no ok gsi. D Abfahrt uf italienischer Siite isch fasch ä outobahm gsi: breit, guet teeret und schön zum fahre.
    Ä verlasseni Mine hett zum Grund gha, dass die Strass so guet isch gsi. Denn isch d Abfahrt gli mau übergange i äs alts iisebahntrasse. Schön düre Wald, kei Vercher, eifach schön. Über d Grenze zrügg nach slowenie hetts zäck gmacht: offene Weide, wiite Talggrund und lockeri Hüüsergruppe wechsle sech ab. De hetts ds Kranjska Gora ä sterchig gäh, Tanke und de los ufe Vršič-Pass.
    Das hett scho chli Herter gha, isch heiss gsi u doch einiges a Verchehr. Chehr um Chehr mit Bsetzi isches obsi. Aussichten zwüschine der Hammer! Nach em pass-Foto isch de die fasch 30km läng Abfahrt vor mir gstande.

    Zersch steil, när ä Soča (himmublau und klar) chli flacher und am Schluss no mit gägewind. Dä hett mi so verruckt gmacht, dass i vor Strass wäg ufe Wanderweg bi…. Dört isch besser gsi 😇

    Ja und zrügg hetts gheisse: Tank fülle…..

    Merssi für dä fein Salat, Steffi! 😘😍
    ……….
    Ech han i dere Ziiz chli usgrueht und Wösch gmacht 🫣
    Hed aber au guet do und mini Akkus send weder chli besser glade.

    Nochem feine Zmittag hömmer üs de trotz Hitz ufe Wäg a Soča gmacht, e chline Spaziergang a de Soča nah ufwärts e Teil ufem Alpe Adria Trail und de rechtig Bovec wos de en Abküehlig gäh hed, und en Kremsnita/Cremschnitte (halb so tüür wie die in Bled😂)
    jetzt semmer gspannt was üs die nögschte 2 Täg in Bovec no so alles för Erlebnisse mitbringed.    Lue lisää

    Katso käännös
  • Hochziitsreis
    2Wasserfall VirjeQuelleAlte Gondeln der Kanin Seilbahn1. Abkühlung (Mut antrinken)Fahrt zum StartBevor1Während4Danach 😉3

    Wasserfalltour und Zipline in Bovec

    25. kesäkuuta, Slovenia ⋅ ⛅ 25 °C

    Höt morge hömmer üs met em Velo ufe Weg Rechtig Städtli Bovec gmacht.
    Nochemene feine Kaffii, semmer de z’Fuess wiiter Rechtig Wasserfall „Slap Virje“
    E feine und ned alzu asträngendi Wanderig i dere Hitz 🔥

    Dobe acho hömmer e chlini Pause gmacht und send de aschlüssend bes zu de Quelle wiiter, schöns chüehls Wasser hömmer det gfunde 🥰

    Wiiter zrugg rechtig Bovec hömmer de es Rastplätzli direkt am Wasser 💦 im Schatte gfunde

    Das Wetter hed durschtig gmacht und somit hömmers Zentrum ufgsuecht und es Plätzli i de Bar vonere mikro Brauerei gfunde 😍

    Chli Muet atrinke förs Zipline flüge😜

    Am halbi 4 esch los gange und uuh cool me hönd quasi e private Event gha, met üs debi esch nor no e Familie gsi, das seig eher sälte aber zum Start vo de Saison no möglich.

    Nochener Schotterstrassfahrt, verbi a de alte Mittelstation vo de Kaninbahn eschs uf 1600 Meter ufe gange, 300 Höhemeter hömmer de i 6 Ziplines weder rechtig Tal vor eus gha 😱 (Danke Steffi&Pesche a dere Stell för das Gschänk)

    Met chli waggelige Bei (Steffi) eschs los gange, die 2 Linie hömmer de sogar zäme dörfe Flüge, es mega schöns Erlebnis das Zipline flüge.
    Zrugg im Tal hömer üs de nomol es Bier verdient gha und wels so gmüetlich gsi esch, hömmer de grad no det a de Foodständ es Znacht gholt.

    Zfride und müed semmer de met de Velos weder uf de Camping heigflitzt….    Lue lisää

    Katso käännös
  • Hochziitsreis
    2

    Wassertag uf de Soča

    26. kesäkuuta, Slovenia ⋅ ☀️ 31 °C

    Höt eschs so Rechtig heiss gsi, de heds nor eis gäh ab is 🧊🧊🧊chaaaaalte Wasser, noch enere churze Tour met em Velo, hömmer a de Soča es superschöns Plätzli gfunde.

    Met chli alaufziit ben de sogar ech is Wasser ghüpft, de Kusi esch vell schneller drii und hed sech im öppe 5 Grad chalte Wasser abkühlt.

    Uf die zwoi hömmer de no es Date abgmacht gha; e SUP Tour uf de Soča, kei Angst, ned im Whitewater, nei uf emene sehr ruhige aber Wonderschöne Abschnitt öppe 40 Minute wäg vo Bovec, Soča esch det sehr breit.

    Es esch so schön und herrlich gsi und well mer erneut Glück gha hönd, hömmer ein Guide för üs alleige gha🙂

    Er hed üs vomene Spot verzellt wommer cha deep water Solo klettere und jo de Kusi heds ned chöne loh sii 😉 er hed höt unerwarteter wiis no chöne Klettere🤪

    Noch es paar Üebige för Paar SUP fahre, emene Stopp bini munzige aber schön chüehle Wasserfall hömmer üs de ufe Weg zrugg gmacht.

    Zfrede, glücklich und Müed semmer jetzt parat zum morn wiiter fahre…
    😍    Lue lisää

    Katso käännös
  • Hochziitsreis
    2No einisch Soča gnüüseJasnaseeAljazev Dom im wunderschöne Vrata-TalÜsi Unterkunft höt Nacht, es hed mega fein noch Latschenkiefer gschmöcktDet ufe gömmer morn 😱2Hütt kei Trennigsgrund.... mir si mit em outo ufe 😂

    Vršič Pass nach Kranjska Gora

    27. kesäkuuta, Slovenia ⋅ ☀️ 23 °C

    Höt hömmer üsi Zält in Bovec abbroche und hönd üs ufe Wäg via Vršičpass met 50 Serpentine Kurve rechtig Kranjska Gora gmacht.
    E chline Stopp bim Touristen Hotspot em Jasna See hed natürlich ned dörfe fähle.
    Noch enere churze Mittagspause semmer no zum Ufwärme för Morn e wonderschöne Klettersteig go mache. De Verlauf esch emene Bach noche gsi und somet emmer es bezzeli chüehl😍, eifach herrlech.

    Jetzt semmer i üsem Nachtlager und mached üs parat för morn. 05:30h esch Treffpunkt met em Guide und de gads los.

    De nögscht Bricht geds de wohl erscht am Sonntig Obe, ufem Triglav hömmer wohl kei Empfang 🤪.

    Bes glii

    Steffi&Kusi

    PS: mir hei hütt a stiigig vo 25% gha und das isch fau problemlos Gange….    Lue lisää

    Katso käännös
  • Hochziitsreis
    Ds grosse Dänkmal für bergststiiger
    Matija im Vorstieg2D Schlüsselstell....TiefblickAljazev Stolp auf dem Triglav

    Aljazev Dom — Triglav

    27.–28. kesäk., Slovenia ⋅ ⛅ 20 °C

    Morge 5:30h esch de Treffpunkt met em Matija gsi, üsem Bergführer, noch der „churze“ Nacht und ech (Steffi) mega Nervös, esch es los gange
    Zersch 400 Höhemeter zu Fuss ds Tal hender und ufe zum Istieg, es esch scho Recht warm gsi, den semer bim Istieg zum slowenische Weg ufe Triglav acho.
    Gstältli alegge und Seil amache und de eschs los gange. 800 Höhemeter meh oder weniger Sänkrächt d Nordwand duruf.

    Die am Triglav (gesproche „Triglau“) isch eine vo denä imposante Nordwänd i de Alpe, je nach däm redt me vo 1000 hm bis 1500 hm.

    Unglaublich Streng und Intensiv esch gsi, noch guet 7 Stund, devo öppe 1 1/2 Stund Pausene, semmer obe a de Wand acho.
    Unglaublich stolz und Glücklich hömmer üs vom Matija verabschiedet.
    Me hönd de no e knappi Stund Weg vor üs gha zu de Hütte ufe.

    Um die halbi 4i ome hed sech den de Kusi no uf de Wäg gmacht rechtig Gipfel das wäred nomol 350 Höhemeter gsi ufe und Abe und das hätti nöme gschafft.

    Aber ech bi solz und mega happy met mim Tagesziel.

    Und Ig (Kusi) ha das Wahrzeichen ufem Gipfel dörfe vo inne aluege und Dr rundumblick gniesse. Äs heisst Aljazev Stolp.

    Tötsch Müed semmer am 8i im Bett gläge i de Hütte „Triglavski dom na Kredarici“    Lue lisää

    Katso käännös
  • Hochziitsreis
    Zmorge nach slowenischer Art..
    Perfekt markiert die Wanderwege mit dene Punkt u StricheFäntli-FotocrasherTiefblickPacMan....So ungefähr sind wir hochHat knapp gereicht.... bei mir gabs noch ein Pivo dazu....

    Vom Triglav nach Gozd Martuljek

    29. kesäk.–2. heinäk., Slovenia ⋅ ☀️ 25 °C

    Höt heds gheisse das was mer geschter ufe send, weder abelaufe 😱 1500 Höhemeter weder abe uf de klassische Route, em Pragerweg.

    Zmorge Ire Hütte nach slowenischem Standart gits i zwe Art: entweder mi bestellt alles einzeln oder wie mir üs das gwöhnt si nach SAC Standard: mi bestellt ds Zmorge mit der Übernachtung und loht sech lo überrasche… siehe Foto….

    Met waggelige Bei, semmer noch 5 Stund met es paar Pause dezwösche, Glücklich dunde acho und hönd üse Flüssigkeits-huushalt weder chli ufgfüllt.

    Nochem Zwöschestopp semmer de wiiter uf üsem Campingplatz för die nöchschte paar Täg in Gozd Martuljek, grad näbe Kranjska Gora acho. Nochemene superfreine Znacht und em Schnsps zum Abschluss semmer jetzt Nudelfertig ufem Campingplatz.

    Mir gniesse jetz no all die idrück und das erläbte und erreichte bimne wunderbare Aberot a de gipfle….    Lue lisää

    Katso käännös
  • Hochziitsreis
    Zielhang vo de Weltcuprenne vo Kranjska Gora
    Man beachte Artikel CA (Tickeschalter😂 uf Slowenisch)Sesselbahnfahrt entlang der Skisprungschanze😳Die Springed werkli vo do obe abe 😱 SpinnerSkiflug/Sprungschanze vo PlanicaWahnsinn die Natur i dem Tal2Mhhhmmm fein Strukli links, schmarrn rächtsUfem Rückwäg no versuecht met em Velo Landepischte ufe zfahre, Versuech gescheiteret noch 4 Meter2Defür hömmer bes zum Punkt vom Weltrekord möge fahre

    Erholigstag met Öberraschendem Usgang

    30. kesäkuuta, Slovenia ⋅ ☁️ 25 °C

    Höt hömmers gmüetlech lo starte. Muskle brönned, zumindest bi mier scho no rächt vom Abelaufe🤣

    Met em Velo hömmer üs uf gmacht rechtig Planica, verbii am Zielgländ vom Skiweltcup und das ganze uf de „Kolesarska pot Jureta Robiča“ quasi alles flach 😇.
    In Planica acho hömmer üs es Ticket im Snack-Automat kauft 🤣 und send met em Sesseli zum Start vo de Skisprungschanze ufe. Zum Glöck esch eus de Mitarbeiter öppis cho säge, noch öppe 10 Minute stuhne, dass Sie i 5 Minute Bahn abstellid, söscht müessemer met de Stäge weder abe, unglaublich Dankbar semmer ehm de grad gfolgt und weder met em Sesseli abe gfahre 😂.
    Wells Tal wiiter hende so spannend usgseh hed vo Obe unds im Talchessel i de Hütte „Zelje planinska koča Tamarju“ anschienend die beschte „Strukli“ ged und mis Velo gnueg Strom gha hed und wells ufem heiwäg nor no abegange esch, semmer de no det hendere gfahre. Jede Meter hed sech glohnt, so ne wonderschöni und idrücklichi Landschaft und das in absoluter Stille vo de Natur und jo, Strukli send Wältklass gsi.
    Ufem heiwäg de no e Trinkstopp in Kranjska Gora und de es -> iisbad i de „Save“, Söll jo bekanntlich gäge Muskelkater hälfe…. 😍    Lue lisää

    Katso käännös
  • Hochziitsreis

    Slap-Tag…

    1. heinäkuuta, Italia ⋅ ⛅ 24 °C

    Slap-Tag, nid Schlapp-Tag!

    Slap, Slowenisch für Wasserfall… zum wiederholte mal.

    Aber das geit nid ohni chli ufeloufä, i dr Regel.

    Also, Dr Reihe na:

    Ig ha am morge am 7i gestartet mit eme Espresso us mire Nanopresso, de ä zwöits und ja, ha d rueh gnosse.

    Nach em zmorge, hei mir de Dr 🎒 packt, und si i das Tal vom Slap Martuljek ine. Zersch flach für 30 min. U de Wild und Romantisch, rächt stotzig, und über 🪨 mit chraxle…..

    Nach guet 1 1/2 h isch är de füre cho: wie ä 🛝 im felsischnitt…. Und wunderbar chüehl…. Wieder so äs naturschouspiel vom feinsten.

    Bim zrüggloufe si Mr No über ä Alp über gloffe…. Da gits nume Eis: wunderschön!

    Äs Radler zum stärke und de Hei ufe Platz.

    Mir hetts de no i de Finger gchribblet u de bi i Dr schwär chlättersteig grad hinter am cämping no Go erkunde…. ☺️☺️☺️☺️☺️🧗🏻‍♂️

    Dr letscht oobe in Slowenien 🇸🇮 hei mr bimne Drink in Bar lo usklinge….    Lue lisää

    Katso käännös
  • Hochziitsreis

    Toblacher See: der Abschluss

    2.–5. heinäk., Italia ⋅ ☀️ 27 °C

    Mit Wehmut haben wir heute Morgen das letzte Zmorge in Kranjska Gore gnosse.

    Pancakes…. Ja, das isch eis vo dene Standard-Zmorge, bi üs chli wie ä Morning-Routine…. Eifach fein 😋🤤

    Packe und de Los… ganz gmüetlech…

    Ds Kranjska Gora No äs kaffi und ganz wenig shoppe….

    Und de hui….
    Würzenpass gäge Östriich zue, boah, 18% Stiigig…. Juppi, im Outo🫣😄

    De ä kurvige Fahrt über die Kartitsche höhenstrasse, dört möchtsch mit holz-Lastwagen🚚 kei diräktbegägnig🫣
    Über Innichen-Sexten (feinä Chueche….😋) nach Toblach. Jetz Löh Mr Dr Tag lo uusplampe und…. Alles andere morn de…    Lue lisää

    Katso käännös
  • Hochziitsreis
    1

    Toblachersee und Innichen Velo Chilltag

    3. heinäkuuta, Italia ⋅ ⛅ 24 °C

    Zersch no en Nachtrag zum 02.07. mer send am oobe sponti los met em Velo noch Inniche, hönd im Eventkalender gseh, dass en Band ufem Dorfplatz spielt und was söll i säge es hed sech glohnt, denn im Dunkle met em Velo weder a Toblachersee ufe zfahre 🙃

    03.97 Picknick-korb Zmorge zum starte, was well mer meh 😍Em Kusi heds de nomol under de Pedale kuzeled und hed sech uf es Tourli ufgmacht,
    Treffpunkt am halbi 2 in Innichen zum kaffii/zmittag
    Ech bi de gmüetlech met mim Velöli rechtig Innichen los und nochli chrütz und quer dir Inniche düüsed.

    Nochemene gmeinsam Zmittag (das isch mega Fein gsi!!!!) und em Schlendere dür Inniche hömmer denn die letschte paar Meter vom Kusi sinere Tour zäme under Räder gno.

    So gseh, isch dr Kusi einisch um die Tre Cime umegfahre….

    Es Campingznacht und denn ab glii mol is Zält gschloffe.

    6:30 god de Wecker för üsi letschti Bergtour vo üsne Ferie    Lue lisää

    Katso käännös
  • Hochziitsreis
    Overtourism 🤔
    Kaffiipause im Rif. LavaredoBlick aus einem Wehrstand 1.WKEine der 17 LeiternTop of via Ferrata❤️

    Tre Cime ♥️♥️

    4. heinäkuuta, Italia ⋅ ⛅ 14 °C

    Am halbi 7 esch Tagwach gsi.
    Üse Bus esch de am 7:48h gfahre und wer hätte es gedacht er esch also promt 2 Minute früehner itroffe als ufem Fahrplan agäh🤣

    Knapp 50 Minute fahrt rechtig Rifugio Auronzo.

    Jo mer send ned elleige gsi 😱 aber wemmer sech druf istellt, spielts ned so ne Rolle. Bi de erschte Hütte hömmer de en Kaffiistopp gmacht, bevor mer öber de Oberiwäg rechtig Drei Zinnenhütte wiiter gloffe sind.

    Nochemene churze Fuetterstopp semmer de los rechtig Klettersteig Toblinger Knoten 🥰

    E churze aber Knackige Steig met angeblich 17 oder 13 Leitere (mer hönd vergässe zelle).

    Wonderschön die Ussecht det obe und jedi Leitere hed sech glohnt. ♥️

    Da ds Wetter hed welle umschloh han ech de chli uf Ziit druckt: Rege 🌧️ und Abstieg esch ned so kompatibel🙈

    Chum semmer weder bi de Hütte unde gsi, heds de weder ufgrisse und mer hönd gmüetlech chöne Zmittsg ässe.

    Und das ganze natürlech mit ussicht: Tre Cime di Lavaredo…..

    Wiiter eschs denn gange zersch es paar Höhemeter abe und den änedraa weder ufe, spannendi Ziitagabe uf de Wegtafele, mol 1.20h de weder 1.30h und de weder 1.20h 🤪

    I de letschte Hütte hömmer de all üses Bargäld zäme kratzt und hönd fründli gfrögt öb ächt das för 2 Radler länged 🤪 sie hönd glached und gmeint jo das set öppis gäh.

    Gmüetlech hömmer de üses Bierli und Ussecht gnosse und hönd üs de uf de letschti abschnitt uf gmacht.

    Öberglücklich aber müed lömmer üs jetzt lo verwöhne und gnüssed s letschte Znacht im Restaurant

    Morn gods heizue, chli wehmüetig aber au voller schöne Erläbniss im Härze.    Lue lisää

    Katso käännös
  • Hochziitsreis
    Goodby Südtirol

    Alles hat ein Ende….

    5. heinäkuuta, Sveitsi ⋅ ⛅ 29 °C

    Ja, aues hett äs Ändi!

    Zum Abschluss hei mr am Friitig ds Camping eigete Resti usprobiert und hei fein 😋 gässe.

    D Foto säge glaub alles, u de isch d Nacht mit
    Chüehle Temperaturen agnähm gsi. Und ja, am morge am Drü hetts de no so richtig afo gwittere mit Donner u Räge. Isch zum Glück nume churz gsi.

    Am Samstag morge hetts äs letschts bialetti-kaffi gäh, äs letschts Müesli vom beste müesli maker ever (danke, 😍 liebsti Steffi!) und de hei mr ds Dachzelt zueklappet und hei d Türe zuegmacht vom Outo und hei das schöne, idrückleche, intensive, erfüllende Kapitel vo üsem gmeinsame Buech abgeschlossen….

    D heifahrt isch über Innichen mit em ä Abstecher im Feinkost-Lade u äme Kaffi ohni Nennenswärti Sache vo statte Gange…. Am 4i hetts ä zwüschehalt in Hünenberg bi de eltere vor Steffi gäh, danke Tresi und Bruno fürs Kaffi, und de am halbi 7i si mr dehei itrudlet, hei Sven u Vera i d Arme gno und dene Zwöi ds Dachzält ufgstellt, dass si o no mau drin chli schlafe.

    Die Reis hett üs erfüllt, und mir säge alle zäme wo üs ä Momänt gachänkt hei:

    D A N K E !

    Nachtrag: wie Cha me ä ganze Camping am obe am 11i wecke? Wenn Dr Nachtfalter im outo inne d Alarmanlage uuslöst…. Läck mir si denn schön verschrocke!!!    Lue lisää

    Katso käännös
    Matkan lopetus
    6. heinäkuuta 2025
  • 2025© FindPenguins
  • Koti
  • Tietoa meistä
  • Ryhmän seuranta
  • Lehdistö
  • Ehdot
  • Yksityisyys & Cookies
  • Ohjekeskus
  • Merkintä