Abstigi Brenmariel. 😂

& hüt isches eso wit. Mir chönd üsi erscht und hoffentlich letscht Abstigi mit voller Freud verlah.😂Wommer SHotel Brenmariel betrete hend simmer begeisteret gsi wie herzig und familiär alles ihgrichtet isch. I üsem Zimmer ischs den aber eher weniger herzig & gmüetlich gsi. Lut Buechig hemmer es Doppelbett und es Zuestellbett für die 4 Täg buecht. Es Doppelbett und e Matratze wo eifach ufm Bode glege isch, het üs den erwartet. Das wunderschöne Badzimmer mit de tröpflende Duschi wommer chum het chöne dHaar wäsche oder em WC wommer nöd het chöne spüele, werdemer nöd vermisse. I dene 4 Täg Ufenthalt isch weder eimal en Zimmerservice cho, no sind dChübel gleert, gsuget, Bode ufgno oder frischi Tüechli bracht worde. Mit dem viele Sand und üsne Haarbüschel ischs den langsam richtig eklig und unhygienisch worde bis mir mit de Hoteltüechli ahgfange hend de Bode ufzneh. 🧹
De wash & dry service het bi de erschte paar Kilo Wösch ganz guet funktioniert und üsi Chleider sind mit feinem Vanille Wöschmittelgschmack zruggcho. Bim zweite Mal isch den dWösch aber halbnass und miteme Gschmack vo Chuchi & Lebensmittel zrugghe worde.😷
Trotzdem hemmer über kei Unterkunft eso viel chöne lache und genau drum isches die Abstigi absolut Wert gsi. 😂 (ps. witeri Zimmerföteli gits nöd, die wemmer niemertem ahdue.🤭)Read more