Barracuda Lake. 🐡

Wo am halbi 7 de erscht Wecker gschellet het, hemmer üs alli no eimal kehrt und am 7ni hemmer üs den usem Bett grafft. dMotivation für üseri ganztägig Inseltour het sich in Grenze ghalte willmer gseh hend dasses nachem zMorge immerno gregnet het. Am 8ti simmer den vom Tricycle abgholt und an Strand bracht worde. Am halbi 10 wo den Bootsfahrt langsam los gange isch het sWetter immerno zimli düschter usgseh.🌧️ Je witer mir ufs Meer usegfahre sind desto besser ischs Wetter und somit au üsi Lune worde.🤭🌞 Bim erschte Halt hemmer mitm Kanu dUmgebig erkundet und bim Barracuda Lake wele us süess und Salzwasser bestaht, hets den e Schnorchel und Tauchrundi zu de Felse under Wasser ghe.🤿 De See isch eine vo de bekanntischte Tauchplätz nöd nur in Coron sondern im ganze Land. Glücklicherwis hend sich die grosse Barrakuda Fisch während üsem Tauchvorgang nöd blicke lah.🐡Read more