lazy day at hotel sky garden.

Nach de letschte Abstigi hemmer üs umso meh über das schöne Hotel wo sich nöd as Reinfall usegstellt het, gfreut.🥰 Mit fründlichem Personal, guetem Zimmerservice, enere Duschi mit gnueg Wasser, mit subere & grosse Zimmer & sogar no mit bequeme Better isch das Hotel usgstattet. Zmitzt im Dörfli vo Coron lit das Sky Garden Hotel wommer (hoffentlich) üsi letschte 4 schöne Strandtäg gnüsse werdet. Leider meints de Petrus nümme ganz eso guet mit üs und drum isch de erscht Tag in Coron en richtig fuhle Schlechtwettertag worde.🌧️ Nachdem mir de mini zMorge gesse hend und ahschlüssend bi strömendem Rege durs Städtli gschländeret sind, simmer denn wieder is Hotel heimkehrt, hend nomal en zMorge gesse und hend denn de ganz Namittag bis zum früehe zNacht mit Musig, lese & döse verbracht.😴 Vorem zNacht hemmer den no welle inen Supermärt go Snacks für die morgig Insletour poschte. De Supermärt isch aber grad am schlüsse gsi und mir hend drum bittet öbmer nöd no schnell chönd zwei, drü Sache go poschte. Nach Diskussione zwüschet Mitarbeiter & Security hends üs den doch no inehlah wills gfunde hend, die hend sicher viel Geld. Sisch demfall glich nöd so schlecht wemmer wie typischi Tourischte usgseht, somit hend mir üse Ihchauf no derfe tätige.🤑 Im chline herzige Restaurant El Kuvo simmer den go zNacht esse & hend sogar no e Dessertspezialität es Lava Chüechli die einte mit und die andere ohni Vanilleglace gesse.🍨Read more