Bjäre Fisk & Skaldjur Ängelhol🦀🌊🥾

Hüt hei ig u mis Schätzeli 4 Jahr Jubiläum! Graturliere u merci viu mau für di wunderschöne 4 Jahr. Uf witeri 80 Jahr.
Nacheme gmüetleche Morge mit Kafi ure Rundi Bäuele im Rase simer los mitem Octavia ines gmüetlechs Buffetresturant gah d Mägä vou schlah. Ahschliessend simer es Ründeli em Meer nah gah louffe. Mir hei Fröid gha u d Hüng heis äuä sogar no chli meh gnosse. Ufem Rückwäg heimer no par Sache im Maxi ikouft u bi strömendem Rägä wieder bim Feriehüsli ahcho. Nach es par Ründeli Stadt Land Fluss hetnis uf ds mau d Sunne ume id Gsichter gschune, u so heimer beschlosse no schnäu a See "Exen"ds gah für d'Hüng ds bewege u ds einigermasse schöne Wätter ds gniesse. Migottseu isch när no e Rägeboge sech cho zeige! Ds het par tolli Föteli gäh :)
Womer zrügg i ds Hüsli si hets no e spannendi Boggiapartie gäh, widerum 1-2 Rundi Stadt Land Fluss unes feins Znacht #Kyckling. No schnäu berede wasmer morn wei mache u ab i ds Näscht.Læs mere