Farm Vapnö & Tylösand🤿🐮

Nacheme gmüetlech Kafi simer los uf Vapnö gah e Farm luege mit 1'880 Miuchchüe. Muess ehrläch sägä: mir heinis chli meh erhofft aber isch gliich schön gsi. Mir hei ihblick gha ines Mäuchkarussel mit 60 plätz, e abchaubebox wo ca. 20x20m isch gsi. Vom Karrussell louft d Miuch ohni Pumpi diräkt id Moukerei, wosi verarbeitet u verpackt wird. Si mache no viu meh Sache wi Mäu u Haferflocke, aber leider heimer vo däm nüt gseh... mir si när no uf eigeti Hang chli ufem Betrieb gah desumeschnöigge u de heimer wenigstens no Traktore gseh, unger Angerem e Fendt 936 u e säubschtfahrende Bschüttimaschine mit seperater Pumpi. Ahschlissend simer i Hallarna Center ds Halmstadt chli gah Sache gänggele u vorhär no gahne feine Burger ässä.
När simer a obligat Tylösandstrand, leider bi mässigem Wätter. Aus Schwizer chamesechs natüürli gliich nid lah entgah e Bädu z'zwicke. Ganz e lustegi Gschicht isch das gsi. Am Abe heimer nachere ultralustige Bausession im Rase, wo oh dr Name Rolandinho für Michu isch entstange, feine Rindsragout gnosse, es Boggia über d Hütte gspiut u no dr Fium "Im Wasser der Seine" gluegt. När no 1-2 göölet und chli Ginlet u när isch dä Tag scho ume Gschicht gsi.Читать далее