Gekås Ullaret🛍

Hüt simer relativ lang im Bett blibe u hei wider mau e gmütleche morge mit Kafi ume liechte Z'morge gmacht. Mir häti eigentlech am 11i wöue losfahre für uf Ullared i ds Gekås, ds isch es riisigs eigeständigs Ichoufszäntrum. Da dr Percy aber si Outoschlüssu het verloore, heimer ca. e Stung verzug gha. U woisch dr Schlüssu schlusemänt gsi?: ufem Stueu i Percys Zimmer näbem Bett.......
Aber mir heis du gliich no gschafft uf ds Ullaret ds cho. Ufem häräwäg simer ds erstä mau richtig schöni Strasse gfahre, sogar no e Teil ufem Schotter. Dr Octavia het ds ouso ganz guet gmeisteret. Bim Ichoufszäntrum ahcho, simer ganz erstuunt gsi, das dä Gekås irgendwo ir Pampa usse isch u nid ire Stadt oder so. Es heinis afe mau gschetzti 100'000 ichoufswägeli begrüesst e e grosse Volvo Radlader wo Altglasboxe het desume gfüehrt. Dr ichouf isch zimmlech ahsträngend gsi, drumm simer nacheme cheerli i sone Sportbar gahne feine Pulled Pork Burger ässä für dasmer ume mit nöiem schwung nis hei chönne i ds abentüür stürze. Jede het chli ihkouft waser so het bruucht, ig z.B. es par Jäggli. I ha ds gfüeu di bruucheni de no ufder witere Reis. Nachem Gekås simer no schnäu i Systembolaget gah Öl chouffe u ab zrugg, wider über ds Schottersträssli hei. Am Abe hets wider par Bäuelisessions im Rase gäh u mir hei diversi Sache womer ihkouft hei usprobiert. Z.B. e Pfileboge.
Znacht hets Sparerips gäh mit Riis u Tomatesalat u när isch ume eis chli gölet worde, aber dasmau zure Rundi Jenga u am 12i hetsis oh tüecht es sigi zit für i ds Bett.Read more