Umai City Halmstad🎣🍣

Hüt simer ufgstange u d Esther überrascht, wosi mite Hüng isch zrugg cho vom Morgespaziergang. Mit Chueche u 1a Gsang heimer sie chönne zum lache mache u i gloube si het fröid gha. Ahschliessend heimer chli dr Morge gnosse, mir hei ersch uf di 2i öppis planet. Nämmlech uf Grötvik chli gah d Fischerruete im Meerwasser schwäiche. Leider heimer no d Löffle im Hüsli vergässä u so hei Toni, Schübi u Percy no hurti müesse gah chouffe, aber mir heinis Zit guet mit chli Steimandli boue chönne überbrügge. Wo Toni, Schübi u Percy si zrugg cho, heimer e churzi ihfüehrig vo Toni übercho u ahschlissend heimer säuber chönne uswärfä u ihzieh. Gfange heimer aber nüt ussert chli Seetang. Fisch heimer aber gliich übercho, da mir nächhär no i ds Utai City Sushi Restaurant ds Halmstad sy ga Znacht ässe. Isch es Erläbnis wärt gsi, aber miis (Röbus) isches de gar nid...und äs hei no angeri zimmlech höch kätschet.
Zrugg cho bim Hüsli heimer Bäuelet u druf ache no mit Pfiu u Pfileboge d Finnecherze ahzündet womer am Zischti gschnitzt hei. D Finnecherze hets scho bruucht, es isch mittlerwile nämlech würklech früsch aube am Abe. Nach Gin u Bier hets du när oh Firabe gäh.Читать далее