Oslo

Resumé: Oslo isch okay, aber ned meega speziell gsi🙃

mer hend am samstig bi eusere aakunft zum Glück es gratis Parkplätzli chli usserhalb (25min mit öv) gfunde, wo au zimmli ruhig gsi isch ide nacht bis uf de starch rege i de einte nacht🙃

Am sunntig simmer ane Free Walking Tour, wo eusi Begeisterig für Oslo e chlii meh la ufblüehe laa hed, wells nochli Gschichtshintergrundfacts geh hed, wos chli spannend gmacht hed.

D highlights sind wohl d Mathallen (Markthalle, wo ähnlich isch wie Freiruum), en Markt im Alternativviertel Grunerløkka gsi und die beide Znacht gsi (1x Fisch und 1x gueti italienischi Pizza).

Zudem simmer öppe die mit so E-Scooter umedüüset um vu A nach B z cho, was mer beide Veterane beid s erst mal i eusem Lebe gmacht hend... isch mal ziit worde😅

Am letzte Abig hemmer de no en mega cooli Bierbar mitere coole Barkeeperin gfunde, wo im OG Schuffleboards gha hed. En Art Fingercurling ufere Holzplatte. Üs hed das spiil emel riiichtig spass gmacht, leider isch sone Tisch chli sperrig (ca. 6m) und tüür (gem. Loco ca. 1900 CHF). Suscht hettemer eine für id WG kauft😉

Jetzt mit de Fähri uf Dänemark und no 2 Nächt det verbringe 😊Læs mere