Immer weder öberrascht

Nach mim tägleche Morgeworkout ond emne feine Zmorge. Send Dianne ond ech höt zerst go Käffele, höt heimer nehmli erst am 10:30 Uhr afo schaffe. Gmüetlech semer no dör Strosse gschländert ond hei Arusha weder biz meh kenneglernt😊.
Bem schaffe heimer vell Patiente gha. Höt siehe 3. Bild, heimer sogar e Massagemaschine gfonde😄😄😄. Ei Patientin hed mer bsonders leid do. Es geht en iheimische Physiotherapeut wo nach de Philosophie lebt, Schmerze ghöre zom Prozess dezue. Au wenn mer scho met ehm probiert hei rede, dases au andersch goht, esch er vo sire Methode sehr öberzügt. Höt esch e jongi Frau be ehm gsi ond nach sire Therapie, hed sie nor no brüellet, so fescht dasisi ganz lang i Arm gnoh ha ond tröstet ha, es hed mer soo leid do. Be eusem stationäre Patient, wo Dianne ond ech betreue, esch au ned wörkli besser. Er hed en Infekt em Höftbereich ond en Bruch am Oberschenkel ond sie wösse nüt bessers als ehn sit 2 Mönet im Bett ide gliche Position lagere ond em Gwicht as Bein hänke, damit Fraktur zämedröckt werd. So versueche sis zheile. Höt heimer eus de mal wele d Röngebilder aluege, leider hed de PC mal weder ned funktioniert. Also heimer met ehm eifach chli Kräftigongsüebige metem Oberkörper gmacht, meh döfemer ned bewege. Nacheme 15 Minute Mettag esches de met de Arztsprechstond witergange, da esch aube au sehr interessant, wel er eus aube om eusi Meinig bittet ond mer ehm au bizwit aube sete säge, was die Lüt äch chönte ha😄. Am 5i esch de aber Fürobr gsi ond mer send direkt weder zon Kulturzentrum go tanze. Langsam kenne mer det emmer wie meh Lüt ond meh begrüesst ond verabschedet eus wie Kollege, da esch mega es schöns Gfühl, welmer sech de au nömme so fremd vorchont😊. Nachem gmeinsame Znacht, hei aui chli me Time brucht. E be no lang dosse gsi, ha telefoniert, de nöchst Footprint gschrebe ond gläse, natürli metere Tasse Tee😉. Höt esch aber früeh Pfuse agaeit, send alli rächt müed. Guet Nacht🌟Weiterlesen