Lache verbindet

Höt Morge nach min tägleche Morgeritual, send mer uf die 9ni go schaffe. Zerst hani e Patientin gha, woni scho letzt Woche betreut ha. Es hed mi sehr gfreut, dasi grad weder uf mech zuecho esch. Langsam weissi au wasi cha, wosi ehri Defizit hed ond gseh sogar scho e Fotsschritt be ehrem Laufstyle. Sie esch so härzig ond dankbar. Mis 2. Highlight höt esch s Kind metem grosse Kopf gsi, woni letzt Woche schomal ha döfe therapiere. Mer hei de 4 Füesslerstand uf diverso Arte güebt ond Sensorischs Intergtarionstraining (siehe Bild😉). Sie hed da so lostig gfunde ond hed emmer weder quickt vor Freud. Dosse ufem Spitalgang heimer alli onterhalte ond vo öberall send Lüt us de Zimmer cho. Zom erste Mal hanis Gfühl gha, i dem Spital lebts. Es esch so schön gsi zgseh, was es Kind cha met sim Lache bewörke🩷. Am 13:00 Uhr hets för eus Fürobe geh ond mer send heigange go Zmettagesse ond biz Sönnele☀️.
Spöter semmer de zu Fuess go Ikaufe, dasmer för eusi Safari aber au nöchst Woche weder chli Vorrot hei. Ufem Weg semmer dör es ganz anders Quartier cho, als mer bis jetzt vo Arusha kenne. Bem Supermarkt, hets de au no es Zvieri geh, bevors weder heizue gange esch. De Obe esch nacheme feine Znacht gmüegli z End gange. Müed ond zfrede, heisst jetzt pfuse🫶.Läs mer