Reisetag inkl. Flogzüg✈️

Höt Morge semer am halbi 7ni vome allei ufgwache, mer send eus s frühe Ufstoh scho rechtig gwöhnt😉😄.
Uf die 8ti hets de Zmorge geh, euse Gastgeber hed sech sehr bemüeht aber de Pris förs beschte Zmorge werds ned geh. Nacher hets weder gheissr alles is Auto verstaue ond witer. Aber nor mol e paar Korve, det semet ine botanische Garte, mer hei gstunt wie witläufig de gsi esch. Au semer die einzige met dere Idee gsi amne Mäntimorge det he zgoh, was aber sehr schön gsi esch. Ufnes früehs Zmettag semer de ines modern Cafe gfahre. Gstärkt, heimet eus de ufe Weg nach Durban gmacht. Uf de Autobahn heimer emmer weder Mensche mösse uswiche, wo det am Rand omespaziert send, so epis wörs ide Schwiiz au nie geh😄. Am Flighafe en Durban acho, heimer euses Auto abgeh. Zom Glöck heisis Auto ned allzu guet agluegt, met eusne Naturweg wo mer gnoh hei, meumer zuegeh, hets vlt s eint oder andern mal biz onde kratzet😁🫣. Zuesätzli esches sehr sehr dreckig gsi, vom velle Staub im Nationalpark😄. Aber ohni Problem heisi das Auto zrög gnoh ond mer send zom Check in. Am Floghafe, heimer de biz mösse warte, hei nehmli biz vell Ziit iberechnet gha aber liener so als omgekehrt😊. Am 4i semer de pönktli losfloge rechtig Porte Elisabeth. Det acho, heimer euses nöchste Auto abgholt ond send i euses Onterkonft för die Nacht gfahre. De Bsitzer hed eus de es Pub am Meer empfohle, det hets de epis feins Znacht geh. Calemari ond Fisch im Bierteig. Bemne feine Znacht ond toller Ussicht heimer de Obe gmüetli uf de Pubterrasse loh usklinge. Jetzt semer em kuschlige Bett ond freue eus ufne Kappe Schlof. Guet Nacht🌟.Читать далее