En Meitlitraum goht in erföllig👧🏼

Höt Morge semer am halbi 7ni uf, uf die 7ni hei eus eusi beide Gastgeber es feins Zmorge uftischt. Nachem Zmorge, hets weder gheisse alles is Auto verfrachte ond witergohts😃. Euses Ziel esch e Reithof vor Jeffreys Bay. Zom det hefahre heimer Kösteroute gwählt, wos au es paar Halt geh hed, zom die schöni Ussicht gnüsse😍. Nach ca 1h heimer de euese 1. Ziel erreicht. Mer send härzlecg Wellkomme gheisse worde ond die Ranche hed wörkli super usgseh. Au de Omgang met de Ross, hed eus e sehr guete Idrock gmacht. Nachere korze Ifüehrig, semer de i eusem 8er Gröppeli ond 2 Guides losgritte. Zerst esch de Weg no sehr bewachse gsi, nach öpe 30 Min, semer de plötzli nor no i Sanddüne gritte, es hed so schön usgseh. S Highlight esch aber no cho. De Strand 7km Sandstrand ohni Lüt. Det heimer sogar chöne galoppierr, e grosse Traum vo mer esch höt in erföllig gange🥰😃. Min Cowboy, het de Usritt au sehr gnosse ond e glaub er wör evt eines Tages nomol metcho go Reite🤠. Nach ca 2h semer de weder zrög gsi, nach de Verabschedig ond korzem Omzieh. Semer de uf Jeffreys Bay abe. Nacheme Abstecher i Supermarkt, semer de a Strand go Picknicke ond verwile. Es esch e wonderschöne, sonnige Tag gsi, perfekt för da. Uf die 3 semer de ines härzigs Cafe am Meer no epis go trinke, det semer länger als gedacht sitze blebe, bevormer de witergfahre send uf St. Francy Bay. Det öbernachte mer höt, emne höbsche Cottage. Det acho, hets de zerst mal e Duschi geh. Nachere korze Verschnufpause, semer de weder los, go de Sonneontergang luege. Wie so oft uf eusere Reis, heimer weder mal sehr glöck gha. Nachemr wonderschöne Sonneontergang, semer de ines Restuarant am Hafe go Znachtesse ond hei de wonderschöni Tag gmüetli loh usklinge🥰.
So neigtsech euse Tag weder em Endi zue ond be eus esch Pfuse agseit. Guet nacht🌟Läs mer