Köstewanderig🌊

Höt Morge heimers gmüetli gnoh ond send erst öpe am halbi 8ti ohni Wecker uf. Nachem parat mache, heimer alles weder is Auto verpackt ond send zore Bäckerei gfahre, womer send go Zmorge hole. Ond mer heis ned besser chöne treffe, es hed rechtigs Brot geh😍. Es esch so fein gsi, dass selbst zom Teil Bäckerei ide Schwiiz ned cheu methalte. Nach dem feine Zmorge, semer losgwanderet, alles de Köste entlangt bis ganz ad Spitze. Wonderschön ond wild, es Meer det ufnand troffe. Witer esches de weder meh is Landinere gange bismer weder bem Auto gsi send. De semer ab go ikaufe, die nöchste 2 Öbe cheumer nehmli weder mal selber koche😍. Nachem Ikaufe, semer de losgfahre rechtig nöchsti Onterkonft. Det send mer de öberne 8.6km langi Schotterstross heil acho😉. Nach dem Weg, esch d Belohnig die wonderschöni Ussicht vo eusem Hüsli obe abe gsi. Dosse uf de Terrasse hets de mal es spöters Zmettag geh, bevor mer de no de Bsitzer vom Land ond dere Onterkonft kenneglernt. Er hed eus härzlech empfange ond eus öber s Land vo ehm ufklärt. Er hed eus de erklärt, wie mer sogar zom Meer abelaufe cheu. Ond so heimer eus ide schöne Obestemmig ufe Weg det abegmacht ond send det nochli ede Köste entlang glofe. Weder zrög em Hüüsli, hets de die langersehnti Duschi geh😄. Frisch Duschet semer de no ufd Terrasse gsässe ond hei de Sonneontergang gluegt. Nacher esches ab id Kochi gange, Gmüespfanne ond Bruschetta send ufem Menüplan gstande. S Znacht heimet natürli au uf de Terrasse gnoh. Nacheme feine Znacht ond emne Kaffi, semer uf die halbi 10ni ine ond langsam rechtig Bett🌟. Pfused guet🫶Read more