Wenn ech e Spaziergang vorschloh😄

Höt Morge semer gmüetli uf die 8ti uf, da heisst e be scho frühner, weli nömme ha chöne pfuse ond ha nochli Kraftüebige gmacht. Nachem Dusche, hets Kaffi ond Rusk met Nektarine zom Zmorge geh. S Wetter dosse esch so rechtigs Aprilwetter gsi. Es hed Gstörmt, gregnet ond glich esch z Sonne emmer mal weder döredröckt☔️☀️🌬. Bi grosse Windböe, heimer de s Auto packt ond send los. Grad no so vorem nöchste Rägegoss ond de hets insech gha. Die ganzi Autofahrt, hets entweder in Ströme grägnet oder z Sonne hed gschone😄. Korz vor Plettenburg bay heimer de es herzigs Kaffi gfonde, womer es Kaffi ond es Stöck Rüeblikueche gnoh hei. Nach es paar Rondi Tschau Sepp, het de au z Sonne weder gschone ond mer hei denkt, jetzt oder nie ond send zrög is Auto. Nor korz drufab jetzt weder gschöttet wie us Eimer☔️.
In Plettenberg bay acho, semer de chli dörd Städtli glofe,es hed herzigi Lädeli ond s Zentrum esch sehr belebt. Uf die 2 semer de mal go ichecke, leider het ned alles ganz so klappt metem rechtige Zimmer aber meteme Telefonat met de Bsitzerin vo dem Bed&Breakfast, heisi eus de ämu d Bett emmerhin zämegschobe ond eus sogar e Prisreduktion geh. Nachdem mer eus e eusem Zimmerli iquartiert hei, semer omzoge ond guter Dinge, dass Wetter hebt los. E ha nehmli emne Naturreservar e Robbentrail gseh. Höbsch hets usgseh ond nacheme gmüetleche Spaziergang. Ja wer mech kennt weiss, e lese selte, d Höhemeter, Streckelängi ond Dauer vore Route😄 ond so..
So send mer loszottlet. Am Afang öber schöni Holzpfad, au wenn mal chli steiler deruf, heimer eus uf euse Spaziergang begeh. Korz drufabe, semer zomne Wegwiser cho gradus Cap ond rechts Rondgang. För eus esch klar gsi,dass Cap muessme aso scho gseh, ja ond so mini Liebe esch us dem Spaziergang e 3 1/2h Wanderig öber Felse, Sand ond Kletterteil worde😄😄. Natürli met vellne Höhemeter, schösch wärs ja nor halb so e gueti Wanderig😉. Aber s Lache esch eus nie vergange, wel die Ussicht ond Natur ond natürli die härzige Robbe, hei die Wanderig zomne ganz bsondere Erlebnis gmacht. Zfrede ond glöcklech semer de am viertel vor 7ni weder bem Auto gsi🥰. Nach dere doch eher küehle ond windige Wanderig, es de för eus zerst mal onderne warmi Duschi gange. Bevormer de send go Znachtesse ond s beschte Resti vo eusere ganze bisherige Reis gfonde hei. Nacheme schöne ond gmüetleche Obe, semer de weder zrög i euses B&B gspaziert. Ond det i die warmi Decki ikuschlet. Guet Nacht🌟Читать далее