Kajaktour ond Spaziergäng

Wer ufmerksam esch hed gmerkt, e ha gester vergesse de Itrag schriebe, ups🙈, deför gits höt Zwöi😉.
Gester Morge semer nacheme feine Zmorge i eusem B&B in Pletteryburg bay losgfahre rechtig Knysna. Det semer de chli osserhalb go e Kajaktour machr. Es esch sehr idyllisch gsi ond zäme met eusem Guide, semer die einzige Lüt wit ond breit gsi. Nor eus, d Natur ond Vögel hets geh😊.
Nach 3h send mer de weder a eusem Usgangsponkt acho. S Fazit vo dere Kajaktour meh muess mengisch Kontrolle a anderi Persone abgeh, damits besser funktioniert ond meh als Team cha zämeschaffe. Alina 27te wo sehr ongärn Kontrolle abgeht🤪😄. Nach dem i da ha gmacht, esches rechtig guet gange😊😉. Nach dere schöne Kajaktour, semer gmüetli ines Resti am Flussufer ganga ond hei Calamari teilt ond epis tronke😊 bevor mer de i euses Apartment send go ichecke😍, det blibe mer 2 Nächt. Nachem Uspacke, semer de go d Omgebig aluege, mer send ufere chline Insle imne sehr schöne Quartier glandet. Nachem Inseluskonschafte semer de no ad Waterfront vöreglofe ond send det nochli döre die härzige chline Lädeli glofe, bevor mer send go es Apero neh. Gstärkt, send mer de zrög ond hei packt zom de Sonneontergang a Brenton Beach go luege. Det heimer natürli au ned eifach chöne stillsitze ond warte ond send no de ganzi Beach ue ond abeglofe, bevormer de gmüetli ufs Tüechli gsässe send ond e wonderschöne Sonneontergang hei döfe luege🥰.
Wo de scho de Mond langsam uf esch heimer eus ufe Heiweg gmacht. Dehei heimer de Spaghetti met Tomatesauce koched ond hei de Obe gmüetli loh usklinge🫶.Læs mere